Tơdrông Tơ'bôh 22:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Tơdrông Tơ'bôh 22:15 Iomraidhean Croise

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Tơdrông Pơđơk 12:22

Kră Yang areh kơ lu bơngai pơma hơlĕnh pơdăr; Mă-lei Sư lăp đon kơ lu bơngai pơma tơpăt.

Tơdrông Pơđơk 7:27

Hnam sư thoi trong năm tơ dêh atâu; 'nâu trong jur năm lăm dơnâu ŭnh.

Êsai 47:12

Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Yo 8:46

“Lăm lu iĕm ưh kơ đei bu 'bôh Inh pơm yoch kiơ. Dah Inh pơma tơpăt lơliơ iĕm ưh kơ wă lui kơ Inh?

Jang 8:11

Sư pơm tơdrong hlĭch âu đunh boih na lu sư mơ̆ng Simôn tơpă.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Philip 3:2

Iĕm kơchăng hli kơ lu bơngai kăt tơdra akar, lu sư pơgŏ iĕm kăt kiơ̆ thoi lu sư. Tơdrong noh ưh kơ sĭ lu sư kăt kiơ̆ kơ tơdrong 'Bok Kei-Dei pơkă tơpă ôh. Lu sư kăt dang wă pơjĭ akâu đĕch. Lu sư dang kŏ, jang tơdrong kư̆ kă mơ̆ng kơ jơhngơ̆m hưch.

Kôlôsê 3:6

Lu bơngai thoi noh ưh kơ chu 'Bok Kei-Dei, 'Bok Kei-Dei hil tơpă wă phak lu sư.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”