Tơdrông Tơ'bôh 21:5 - Sơ̆p Hlabơar Nơ̆r 'Bok Kei-Dei

⁵ 'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”

Tơdrông Tơ'bôh 21:5 Iomraidhean Croise

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Êsai 43:19

Âu, Inh oei pơm minh tơdrong 'nao, dang ei sư oei wă lĕch tơ'bôh lu iĕm ưh kơ 'bôh ôh hă? Tơpă, Inh gô pơih minh pôm trong lăm bri brah păng gô pơm lu glung đei đak ro lăm char glă.

Luka 5:38

Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Hêbrơ 12:27

Nơ̆r Sư pơkă, pă minh 'măng noh, wă khan, gô truh năr ei kơnh, Sư wă gơgŭ adrŏ plĕnh păng teh mă đêl Sư pơjing wă pơtôch boih, na dôm tơdrong mă ưh kơ gơh adrŏ, tơdrong noh oei ling-lang.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 22:19

Bơngai bu tŭk nơ̆r 'Bok Kei-Dei đơ̆ng lăm sơ̆p hla bơar Sư âu, bơngai noh Sư ưh kơ ăn sa plei 'long kon bơngai arih ôh, plei 'long mă Sư đei roi kơ bơ̆n lăm sơ̆p hla bơar âu. Sư kư̆m ưh kơ ăn sư mơ̆t tơ Pơlei Jêrusalem 'nao, pơlei mă Sư đei roi kơ bơ̆n tơ lăm sơ̆p hla bơar âu.

Tơdrông Tơ'bôh 22:6

Linh jang ei khan dơ̆ng kơ inh: “Tôm tơdrong âu gô đei tơpă bơ̆n gơh lui. Sơ̆ 'Bok Kei-Dei wơh lu bơngai pơtruh nơ̆r Sư, mă dang ei kư̆m thoi noh Sư kư̆m wơh inh mă linh jang 'lơ̆ng Sư hai, năm chă pơtruh kơ lu đĭch đam Sư tơdrong wă jê̆ truh noh.”

Tơdrông Tơ'bôh 4:2

Na Yang Bơhngol 'Lơ̆ng pơm kơ inh ưh kơ băt thoi yơ, 'bôh 'băi tơ kơpal plĕnh boih. Na inh 'bôh tang-dŏ 'lơ̆ng rŏ tơ plĕnh ei, tang-dŏ ei đei minh 'nu oei.

Tơdrông Tơ'bôh 4:9

Rim wơ̆t lu sem brem ei hơri ư-ang 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch,

Tơdrông Tơ'bôh 5:1

Păng inh 'bôh 'Bok Kei-Dei oei tơ tang-dŏ Sư, ti Sư gah 'ma chĕp minh sơnôm hla bơar, hla bơar ei chih 'bar pah rŏng klak na lôm pơklep sư tơpơh 'măng pơklep, wă kơ băt tơdra hli kơ đe hek lăng.