Tơdrông Tơ'bôh 21:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh inh đei 'bôh plĕnh păng teh 'nao, yua kơ plĕnh păng teh adrol sơ̆ tôch boih. Mă đak dơsĭ kư̆m pă đei boih.

Tơdrông Tơ'bôh 21:1 Iomraidhean Croise

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 57:20

Mă-lei lu bơngai kơnê̆ nhen thoi đak dơsĭ poh-yă ưh kơ gơh pơdơh hreh, đak dơsĭ tơdrŏ, teh trôk đông tŏk.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Da 7:3

Đơ̆ng noh, đei puăn tŏ kon sem brem tih lĕch đơ̆ng đak; puăn tŏ kon sem brem 'nâu phara băl.

Rom 8:21

Tơpă ning-mônh Sư ăn kơ lu tơmam Sư pơjing noh, ưh pă pơmat lôch răm thoi dang ei dơ̆ng ôh, lu sư jing rơngei hiôk tơpă, kư̆m thoi lu bơ̆n kon 'Bok Kei-Dei mơ̆n.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

II Pet 3:13

Mă-lei gah bơ̆n, kiơ̆ kơ nơ̆r 'Bok Kei-Dei kơdih khan, Sư wă pơjing dơ̆ng plĕnh teh 'nao ăn kơ lu bơngai mă 'lơ̆ng tơpăt đĕch oei tơ noh. Tơdrong noh boih, tơdrong mă bơ̆n hưch hanh oei chang gô dang ei.

Tơdrông Tơ'bôh 13:1

Đơ̆ng noh inh 'bôh minh pôm sem brem lĕch đơ̆ng đak dơsĭ. Sem ei đei mơjĭt tŏ ake, tơpơh tŏ kơ̆l. Sư đei mơjĭt tŏ môk pơtao tơ ake sư. Tơ rim kơ̆l sư đei chih tơdrong pơma blông kơ 'Bok Kei-Dei.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 21:5

'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”

Tơdrông Tơ'bôh 6:14

Klaih kơ noh inh 'bôh plĕnh tơlôm jing ưh pă 'bôh plĕnh dơ̆ng; lu thŭng thong, kông groi, bŏl đak tih iĕ kư̆m jing ưh pă 'bôh băt tơ yơ.