Tơdrông Tơ'bôh 20:5 - Sơ̆p Hlabơar Nơ̆r 'Bok Kei-Dei

⁵ Lu sư noh iung arih mă mônh adrol kơ bơngai nai. Gah lu bơngai nai, lu sư ưh kơ iung arih ôh. Dĭng tôch kơ minh-rơbâu sơnăm ei 'mơ̆i gơh.

Tơdrông Tơ'bôh 20:5 Iomraidhean Croise

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

Philip 3:11

Inh adrin thoi noh wă kơ ning-mônh inh iung arih thoi Sư.

I Tes 4:16

Năr ei kơnh 'bok yŏng lu linh jang 'lơ̆ng gô pơma krao pơret đơ̆ng plĕnh ti păng đei linh jang 'lơ̆ng hlôm keng 'Bok Kei-Dei. Na Kră Yang Yêsu Krist jur hloi đơ̆ng plĕnh, na lu bơngai lôch mă lui kơ Yêsu boih sư iung arih 'mơ̆i.

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”