Tơdrông Tơ'bôh 20:1 - Sơ̆p Hlabơar Nơ̆r 'Bok Kei-Dei

¹ Inh kư̆m 'bôh minh 'nu linh jang 'lơ̆ng jur đơ̆ng plĕnh. Ti sư chĕp khuă 'măng sơlŭng jrŭ păng minh dăng tơlei glang mam tih.

Tơdrông Tơ'bôh 20:1 Iomraidhean Croise

Luka 8:31

Na lu yang kơnê̆ ei apinh Yêsu thoi âu: “Dah Ih pơpuh nhôn, Ih 'nĕ pơpuh nhôn năm tơ sơlŭng jrŭ.”

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 20:3

na tơhuŏng sư tơ lăm sơlŭng jrŭ, tang 'măng khuă đơ̆ng kơpal păng pơklep tơdra 'măng 'noh hli kơ sư lĕch năm chă pơhlŭ đe jơ̆p kơ teh đak. Phak sư lăm sơlŭng jrŭ noh lăm minh-rơbâu sơnăm, klaih kơ noh achăng sư dơ̆ng, mă-lei ưh kơ đunh ôh.