Tơdrông Tơ'bôh 2:9 - Sơ̆p Hlabơar Nơ̆r 'Bok Kei-Dei

⁹ ‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

Tơdrông Tơ'bôh 2:9 Iomraidhean Croise

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Luka 12:21

Kră Yang Yêsu khan dơ̆ng thoi âu: “Tơdrong âu wă pơtih gia kơ dôm lu bơngai hăt kơ mŭk tơmam ala teh, ưh kơ wă tơchĕng gah tơdrong 'Bok Kei-Dei.”

Luka 22:65

Lu sư pơma che bơle kơ Sư tôm tĕch.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Luka 6:20

Klaih kơ noh Yêsu hue lăng lu bơngai lui kiơ̆ Sư na khan: “Pŭn dêh lu iĕm bơngai dơnuh hin, yua kơ 'Bok Kei-Dei wă pơgơ̆r iĕm.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Rom 12:12

Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Rom 2:17

Lu iĕm bơngai Juđê mơ'nah oei pơang bơngai Juđê iĕm, khan iĕm kiơ̆ tơdrong juăt 'Bok Kei-Dei pơkă sơ̆ na khan 'Bok Kei-Dei wei-lăng iĕm ling-lang.

Rom 5:3

Mă bơ̆n đei tơdrong gleh pơmat-tat bơ̆n kư̆m hiôk chơt, yua kơ tơdrong pơmat-tat noh wă hơmet tơdrong lui bơ̆n kơjăp khŏm khŏm.

Rom 8:35

Mă bơ̆n tơ'bơ̆p tơdrong kiơ kiơ, Yêsu Krist Sư wei-lăng bơ̆n, mă bơ̆n đei tơdrong truh pơmat, mă đe areh kơ bơ̆n, mă bơ̆n pơngot rơwĕt, mă bơ̆n bơngai dơnuh, mă bơ̆n đei tơdrong hli, mă đe năm blah bơ̆n, Yêsu Krist ưh kơ lê̆ bơ̆n ôh, Sư 'mêm kơ bơ̆n tơpă.

Rom 9:6

Ưh kơ sĭ 'Bok Kei-Dei kuă kơ tơgŭm lu bơngai Isơrael kiơ̆ thoi Sư pơkă sơ̆ ôh; Sư wă tơgŭm mơ̆n, mă ưh kơ tơgŭm đĭ-đăng hăm lu bơngai ưh kơ lui hai ôh. Sư tơgŭm pôm lu bơngai lui kơ Sư đĕch, lu bơngai Isơrael thoi noh 'Bok Kei-Dei tơgŭm păng lăng dang kon Sư kơdih.

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

II Kor 8:2

Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

I Tes 3:4

Hơtai nhôn oei păng iĕm ki, nhôn khan boih kơ iĕm hơdrol, nhôn khan: Bơ̆n gô đei tơdrong pơmat-tat đe areh kơ bơ̆n. Na 'blep tơpă hloi đe areh kơ iĕm dang ei.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Tơdrông Tơ'bôh 2:2

‘Inh băt mơ̆n tơdrong lui iĕm, Inh băt mơ̆n iĕm jang gleh, Inh băt mơ̆n đe areh kơ iĕm, iĕm oei lui kơjăp. Inh băt mơ̆n iĕm kuă kơ lu bơngai kơnê̆ oei hơdai iĕm. Lu sư hơlĕnh khan sư pơm jơ̆ng 'bang Inh mă-lei iĕm pơlong lăng lu sư boih, na iĕm băt boih kơ sư bơngai hơlĕnh.

Tơdrông Tơ'bôh 2:24

‘Iĕm bơngai Pơlei Thiatir păng lu bôl iĕm mơ'nah kuă kơ kiơ̆ tơdrong yă Jesebel tơpă. Sư khan tơdrong sư bơtho tơdrong jrŭ, tơdrong hơgei, mă-lei iĕm kuă kơ pơhrăm iŏk hơya tŏ sĕt tơdrong noh yua kơ iĕm băt tơdrong noh tơdrong yang Satan đĕch. Bĭ mă Inh kư̆m ưh kơ đei pơthim kơ iĕm kiơ̆ tơdrong kiơ mă anat ôh.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.