Tơdrông Tơ'bôh 2:23 - Sơ̆p Hlabơar Nơ̆r 'Bok Kei-Dei

²³ Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 2:23 Iomraidhean Croise

I Ho 17:18

“Đawit ưh pă băt wă bơnê kơ Kră Yang thoi yơ dơ̆ng, yua kơ đơ̆ng Ih pơyom kơ đĭch đam Ih? Yua kơ Ih băt nhen kơ đĭch đam Ih.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

Jop 24:23

Kră Yang lê̆ lu sư arih hiôk hơđơ̆ng. Măt Kră Yang oei răp lăng trong lu sư

Horiso 139:1

Ơ Kră Yang, Ih đei lăng lăng inh boih păng băt kơ inh.

Horiso 26:2

Ơ Kră Yang! Lăng lăng păng pơlong lăng inh. Lăng năng jơhngơ̆m inh păng đon inh tơchĕng

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 20:12

Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Jêphania 1:11

Ơ lu kon pơlei mă oei lăm pơlei tih gah ala sŭng, nhơ̆m hmoi bĕ; yua kơ lu bơngai mơdro mơchan pơrăm đĭ boih păng lu bơngai mă chĕp jên hu lôch đĭ boih.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Yo 4:16

Yêsu khan kơ duch ei: “Ih năm krao klo ih năm kiơ̆ ih tơ âu dơ̆ng bĕ.”

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Rom 14:12

'Bok Kei-Dei khan thoi noh boih, na ning-mônh đĭ-đăng kon bơngai bơ̆n gô roi tơdrong arih bơ̆n 'bơ̆t anăp Sư.

Rom 8:27

'Bok Kei-Dei Sư băt lăm jơhngơ̆m klơm klak bơ̆n tơchĕng thoi yơ, Sư băt kơ Yang Bơhngol 'Lơ̆ng tơgŭm bơ̆n krao khan thoi noh, yua kơ Yang Bơhngol 'Lơ̆ng tơgŭm lu bơngai lui krao khan kiơ̆ thoi 'Bok Kei-Dei wă.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Galati 6:5

Păng bơ̆n athei wei tơdrong jang bơ̆n kơdih.

Both 13:11

Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 17:13

Đĭ-đăng kon pơlei pơla kơtơ̆ng tơdrong noh na gô hli tơrơ, ưh pă pơ̆n pơm tơdrong kơnê̆ dơ̆ng.

Both 19:20

Wă kơ lu bơngai kơtơ̆ng tơdrong noh gô hli, ưh pă pơm kơnê̆ chă jâu băl dơ̆ng lăm lu iĕm.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Tơdrông Tơ'bôh 20:13

'Bơ̆t ei gô 'bôh tôm bơngai lôch. Lu bơngai lôch glơ̆k kơ đak dơsĭ, đak dơsĭ tơlĕch sư. Yŏng pơgơ̆r tơdrong lôch achăng đĭ lu bơngai lôch đơ̆ng dêh atâu. Na 'Bok Kei-Dei sek tơlang lu sư kiơ̆ kơ tơdrong lu sư đêl pơm tơ ala teh.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.