Tơdrông Tơ'bôh 2:22 - Sơ̆p Hlabơar Nơ̆r 'Bok Kei-Dei

²² Na dang ei Inh gô pơm kơ sư jĭ dêh 'bĭch păn tơ giơng. Na lu bơngai mă lui kiơ̆ kơ sư pơm kư̆ kă, dah ưh kơ chu tơbral kơdih tơdrong yoch, Inh kư̆m pơm kơ lu sư đei tơdrong gleh pơmat-tat mơ̆n.

Tơdrông Tơ'bôh 2:22 Iomraidhean Croise

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Êsêkiên 23:29

Lu sư gô iŏk tơdrong areh pơm kơ ih, tơgar iŏk đĭ dôm tơmam đơ̆ng ih jang, lê̆ ih koh hoh, đĭ tơdrong ih koh hoh, ngôi kư̆ kă gô tơ'bôh pơdah tơ 'nguaih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Jêphania 3:7

Inh đei khan boih: ‘Ih athei hli yom kơ Inh đĕch, chu phak bơtho.’ Thoi noh anih sư oei huay kơ hiong tôch đĭ, kiơ̆ thoi Inh pơkă kơ sư. Mă-lei lu sư đơ̆ng hrôih drôih pơm pơrăm lê̆ dôm tơdrong jang sư kơdih.”

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

Tơdrông Tơ'bôh 17:2

Lu 'bok pơtao jơ̆p kơ teh đak kư̆m ngôi pơyô hăm sư mơ̆n, sư boih pơm pơyô kư̆ kă tơ'bôh kơ đe jơ̆p kơ teh đak adrol, dang sư ăn kơ đe et sik suai.”

Tơdrông Tơ'bôh 18:3

Pơlei Babilôn, pơlei pơchah răm, yua kơ tơdrong yoch lu sư pơm tơ'bôh kơ đe jơ̆p kơ teh đak, pơm pơyô kư̆ kă; lu 'bok pơtao jơ̆p teh đak kư̆m pơm pơyô hăm sư mơ̆n. Lu bơngai mơdro sa ala teh mơdrŏng yua sư, kơlih kơ tĕch kơ sư mŭk tơmam lơ tơpă.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.