Tơdrông Tơ'bôh 2:2 - Sơ̆p Hlabơar Nơ̆r 'Bok Kei-Dei

² ‘Inh băt mơ̆n tơdrong lui iĕm, Inh băt mơ̆n iĕm jang gleh, Inh băt mơ̆n đe areh kơ iĕm, iĕm oei lui kơjăp. Inh băt mơ̆n iĕm kuă kơ lu bơngai kơnê̆ oei hơdai iĕm. Lu sư hơlĕnh khan sư pơm jơ̆ng 'bang Inh mă-lei iĕm pơlong lăng lu sư boih, na iĕm băt boih kơ sư bơngai hơlĕnh.

Tơdrông Tơ'bôh 2:2 Iomraidhean Croise

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Yo 6:6

'Noh Yêsu jet pơlong Philip đĕch, yua kơ Yêsu băt kơdih boih thoi yơ Sư gô pơm kơnh.

Galati 1:7

Mă tơpă đei minh tơdrong 'nao 'lơ̆ng đĕch, ưh kơ đei tơdrong 'nao 'lơ̆ng nai dơ̆ng ôh. Inh khan kơ iĕm thoi noh yua kơ đei lu bơngai nai pơtuah iĕm, lu sư wă hơmet ming pơthim tơdrong 'nao 'lơ̆ng Yêsu Krist.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.

Tơdrông Tơ'bôh 2:6

Mă-lei tơdrong âu Inh lăp đon kơ iĕm, Inh 'bôh iĕm ưh kơ lăp đon kơ đe bơtho tơdrong Nikôlat, Inh kư̆m ưh kơ lăp đon mơ̆n.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

Tơdrông Tơ'bôh 3:1

“Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.

Tơdrông Tơ'bôh 3:15

‘Inh băt tôm tơdrong iĕm. Tơdrong sơngah kuă kơ lui kơ Inh iĕm kư̆m ưh, tơdrong adrin iĕm kư̆m ưh kơ adrin mơ̆n, lăp mơlôh mơlônh; wă jing đak sơngiĕo kư̆m ưh, wă jing đak tŏ kư̆m ưh mơ̆n, lăp mơlôh mơlônh. Inh wă kơ iĕm thoi âu: Tơ̆ng iĕm wă kơ jing đak tŏ, iĕm athei jing thoi đak tŏ mă tơpă. Tơ̆ng wă jing thoi đak sơngiĕo, iĕm athei jing thoi đak sơngiĕo.

Tơdrông Tơ'bôh 3:8

‘Inh băt mơ̆n tơdrong lui iĕm thoi yơ. Bơngai lui tơ pơlei iĕm ưh kơ gan lơ ră, mă-lei iĕm oei kiơ̆ dôm nơ̆r Inh pơkă kơ iĕm. Păng iĕm ưh kơ đei sơngah khan ưh kơ lui kơ Inh ôh. Na dang ei Inh pơih ăn kơ iĕm 'măng mơ̆t lĕch boih, ưh kơ đei bu gơh tang chơkăl kuă ăn iĕm mơ̆t lĕch.