Tơdrông Tơ'bôh 19:15 - Sơ̆p Hlabơar Nơ̆r 'Bok Kei-Dei

¹⁵ Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 19:15 Iomraidhean Croise

Horiso 2:9

Ih gô Pơgơ̆r lu sư hăm 'long jra mam; Ih gô teh pơchah lê̆ lu sư thoi gŏ teh.”

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Jôel 3:13

Iŏk săng kô yuă bĕ, yua kơ 'ba đum boih. Năm juă bĕ, yua kơ anih hmĕt đak hơmu 'bĕnh bơih; lăm kơthŭng 'bĕnh blai, yua kơ tơdrong kơnê̆ lu sư tih dêh boih.

Malachi 4:6

Sư gô pơm ăn kơ jơhngơ̆m 'bă hơlơ̆k 'blŏk kơ kon sâu sư, kon sâu sư gô hơlơ̆k 'blŏk kơ 'bă lu sư, hli kơnh Inh wă pơrăm teh âu hăm tơdrong hiap.”

II Tes 2:8

Lăp Kră Yang Yêsu Krist jur đơ̆ng plĕnh ning-mônh, Sư yua tơdrong mơsêh mơyang Sư pơrăm bơngai kơnê̆ ei. Hăm 'bơ̆r Sư dơhlu hơyuh, na bơngai pơm kơnê̆ ei lôch hloi.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 12:5

Lăp bơngai noh tơpŭ kon drŏ-nglo, na 'Bok Kei-Dei iŏk atŏk hloi kon nge 'noh tơ plĕnh, yua kơ kon nge 'noh ning-mônh Sư gô pơm 'Bok Pơgơ̆r tôm kơ dêh char, chĕp 'long jra mam.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.

Tơdrông Tơ'bôh 2:12

“Dang ei dơ̆ng ih chih kơ kră wei-lăng hnam akŭm tơ Pơlei Pêgam thoi âu: 'Bok mă đei minh hlak đao han đei 'bar pah măt noh Sư wă pơma kơ iĕm thoi âu:

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 2:27

Bơngai noh jing 'bok pơgơ̆r chĕp 'long jra mam, sư pơgơ̆r teh đak đe pran kơtang, teh đak đe gô pơchah răm thoi gŏ teh.