Tơdrông Tơ'bôh 19:10 - Sơ̆p Hlabơar Nơ̆r 'Bok Kei-Dei

¹⁰ Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”

Tơdrông Tơ'bôh 19:10 Iomraidhean Croise

II Pot 17:36

Mă-lei iĕm athei hli yom kơ Kră Yang Tơ'ngla mă yua tơdrong mơsêh tih păng chro ti Sư dui, anhăk ba lu iĕm lĕch đơ̆ng dêh Êyiptơ; iĕm athei hli yom kơkuh păng pơyơ̆r kơ sư tơmam soi.

Horiso 45:11

Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Da 2:46

Đơ̆ng noh pơtao Nebukatnessar drap, kơkuh kơ Đaniel păng athei pơyơ̆r ăn tơmam apah păng pơgang 'bâu phu ăn kơ Đaniel.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Markôs 5:22

Tơ ei đei minh 'nu kră wei-lăng hnam akŭm đe Juđê lăm pơlei kiơ̆ ei, sư năm tơ Yêsu. Anăn sư Jairut. Lăp sư truh tơ Yêsu 'bok ei 'nap 'bơ̆t anăp Sư.

Markôs 7:25

Tơ tơring ei đei minh 'nu bơngai drŏ-kăn đei kon adruh 'lơ̆p yang kơnê̆ mơ̆t. Na sư kơtơ̆ng ang đe khan Yêsu truh tơ tơring sư. Na sư năm 'nap 'bơ̆t anăp Yêsu.

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

II Kor 8:7

Iĕm hơgei tôm tơdrong boih, mă tơdrong lui, mă tơdrong bơtho, tơdrong hlôh wao tơdrong 'Bok Kei-Dei, jơhngơ̆m iĕm hưch hanh băt kơ 'maih adrin jang tơdrong 'Bok Kei-Dei păng băt 'mêm kơ nhôn. Na dang ei inh tơchĕng iĕm kư̆m wă tơgŭm lu bơngai dơnuh mơ̆n rŏ lăng.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

I Yo 5:21

Ơ lu kon hơ'lơ̆p, iĕm athei weh ataih đơ̆ng dôm tơdrong yang kơnê̆ hŏ.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 12:17

Thoi noh na yă-grai ei sư ơh kơ druh sa bơngai drŏ-kăn ei ưh kơ đei, na sư năm blah lu kon sâu bơngai drŏ-kăn ei, wă khan lu bơngai lui kiơ̆ nơ̆r 'Bok Kei-Dei pơkă păng lu bơngai ră roi tơdrong Yêsu.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu: