Tơdrông Tơ'bôh 18:18 - Sơ̆p Hlabơar Nơ̆r 'Bok Kei-Dei

¹⁸ Lu sư 'bôh 'nhui ŭnh sa pơlei noh na lu sư nhơ̆m hmoi ôr pơret khan: “Pă đei pơlei ayơ tih atŏ, 'lơ̆ng atŏ dang pơlei noh.”

Tơdrông Tơ'bôh 18:18 Iomraidhean Croise

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Tơdrông Tơ'bôh 13:4

Na kon bơngai đei mơ'nah kơkuh kơ yă-grai ei, yua kơ yă-grai ei pơjao kơ sem ei gơh pơgơ̆r. Lu sư kư̆m kơkuh kơ sem ei mơ̆n. Lu sư khan: “Hăm đei bu tih atŏ kơ sem âu, hăm đei bu kĕ blah sư? Ưh kơ đei ôh.”

Tơdrông Tơ'bôh 14:11

Na ŭnh mă pơmat lu sư noh đei 'nhui tŏk ling-lang ưh kơ đei pơdơh. Lu bơngai mă kơkuh kơ sem păng rup sem noh păng chu ăn kơ sem noh chơ̆m đŏng yâu sư, lu bơngai noh lu sư pơmat măng năr, pă đei hiôk hơya tŏ sĕt 'biơ̆.”

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

Tơdrông Tơ'bôh 18:16

chă pơma rah khan: “Ô glăi, ô glăi, Pơlei Babilôn pơlei tih-tin, rŏ kơ pơlei yă pơtao hrŭk hơbĕn ao 'brê găm jơk dreng 'lơ̆ng 'lơ̆ng, chă pơhrôp akâu kơdih 'bot bơ̆n maih, bơ̆n hu, bơ̆n anam.