Tơdrông Tơ'bôh 18:17 - Sơ̆p Hlabơar Nơ̆r 'Bok Kei-Dei

¹⁷ Lăm minh jơ đĕch ưh kơ đunh, dôm tơmam 'lơ̆ng tơmam rŏ noh hiong đĭ boih. Dôm lu kră pơgơ̆r lăm duk, lu bơngai jang lăm duk, dôm lu bơngai hao thŏng-nan năm găn đak dơsĭ chă mơdro sa, lu sư tơmang pơlei mă ŭnh sa ei đơ̆ng ataih.

Tơdrông Tơ'bôh 18:17 Iomraidhean Croise

Êsai 23:14

Ơ lu duk Tarsis, nhơ̆m ơh bĕ! Kơđông lu iĕm pơchah răm đĭ bơih.

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Jôna 1:6

'Bok yŏng tơ'ngla duk noh năm tơ sư păng râu sư khan: Ơ bơngai oei tep noh, pơm kiơ thoi noh? Iung bĕ! Krao khan apinh yang ih bĕ! Wă kơ Yang ih 'blŏk kơ bơ̆n, na lu bơ̆n huay kơ lôch.

Jang 27:11

Mă-lei 'bok yŏng linh sư ưh kơ chu kơ Pôl pơma ôh, sư chu pôm bơngai wơ̆r thŏng-nan hăm tơ'ngla thŏng-nan ei đĕch.

Tơdrông Tơ'bôh 17:12

“Mơjĭt tŏ ake sư noh wă pơtih gia kơ mơjĭt 'nu pơtao đơ̆ng rŏng wă pơgơ̆r hơdai hăm sư; mă lu sư pơgơ̆r ưh kơ đunh ôh dang kơ minh jơ đĕch.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Tơdrông Tơ'bôh 18:19

Lu sư chup teh pơnŭk săi kơpal kơ̆l lu sư mơlŭng mơlăng, nhơ̆m hmoi ơh ol pơma ôr pơret khan: “Ô glăi, ô glăi, Pơlei Babilôn pơlei tih-tin, lu bơngai đei duk oei tơ đak dơsĭ mơdrŏng yua đơ̆ng sư, lăm minh jơ đĕch ưh kơ đunh mă hiong đĭ tơmam mơdrŏng, tơmam 'lơ̆ng rŏ.”