Tơdrông Tơ'bôh 18:11 - Sơ̆p Hlabơar Nơ̆r 'Bok Kei-Dei

¹¹ Păng lu bơngai mơdro sa jơ̆p-jang kơ teh đak nhơ̆m hmoi yua kơ tơdrong truh kơ Pơlei Babilôn, kơlih kơ ưh pă đei bu wă năm răt tơmam đơ̆ng lu sư tĕch,

Tơdrông Tơ'bôh 18:11 Iomraidhean Croise

Tơdrông Pơđơk 3:14

Gĭt sư hloh kơ hu. Yua sư kăp hloh kơ maih.

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Êsai 47:15

Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

Êsêkiên 27:9

Lu bơngai gơh hơmet păng lu bơngai hơgei đơ̆ng pơlei Gebal oei hơdai ih wă hơmet ming lu thŏng-nan răm. Đĭ-đăng lu thŏng-nan păng lu bơngai huơ̆r năm tơ ih, lăm chă mơdro tơplih băl tơmam.

Jêphania 1:11

Ơ lu kon pơlei mă oei lăm pơlei tih gah ala sŭng, nhơ̆m hmoi bĕ; yua kơ lu bơngai mơdro mơchan pơrăm đĭ boih păng lu bơngai mă chĕp jên hu lôch đĭ boih.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Mathiơ 22:5

Mă-lei lu bơngai mă sư wơ̆n ei oei ưh kơ chu kơ năm sŏng sa 'mơ̆i, lu sư khan ưh kơ kăl. Lu sư kơtơ̆ng boih bơngai jang kơ 'bok pơtao năm krao lu sư, mă-lei lu sư mơ'nah năm jang tơ mir, mơ'nah hăt kơ năm mơdro sa.

Yo 2:16

Đơ̆ng noh na Sư khan kơ lu bơngai mơdro sem kơtơp: “Anhăk ba đĭ sem kơtơp iĕm âu tơ nai. Iĕm 'nĕ pă pơm kơ hnam 'Bă Inh thoi lĕ kơ hnam mơdro mơchan.”

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Tơdrông Tơ'bôh 18:15

Lu bơngai juăt kơ mơdro sa, lu sư juăt kơ năm mơdro tơ pơlei noh na jing mơdrŏng, lu sư tơmang lăng đơ̆ng ataih hli kơ tơdrong truh kơ lu sư păng nhơ̆m hmoi ơh ăk păk jăl,

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 18:3

Pơlei Babilôn, pơlei pơchah răm, yua kơ tơdrong yoch lu sư pơm tơ'bôh kơ đe jơ̆p kơ teh đak, pơm pơyô kư̆ kă; lu 'bok pơtao jơ̆p teh đak kư̆m pơm pơyô hăm sư mơ̆n. Lu bơngai mơdro sa ala teh mơdrŏng yua sư, kơlih kơ tĕch kơ sư mŭk tơmam lơ tơpă.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.