Tơdrông Tơ'bôh 17:8 - Sơ̆p Hlabơar Nơ̆r 'Bok Kei-Dei

⁸ Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 17:8 Iomraidhean Croise

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Da 11:45

Sư gô pơjing anih kơđông pơtao sư tơ tŏk-bŏk đak dơsĭ păng kông rơgoh ư-ang. Mă-lei sư gô truh năr tôch kơ sư kơdih păng ưh kơ đei bu mă tơgŭm sư.

Da 7:11

Dang ei inh lăng dơ̆ng yua kơ tơdrong pơrŏ pơang na mă lĕch nơ̆r pơma đơ̆ng hơke noh. Thoi noh inh lăng dĭng truh tơ sem brem noh đe pơlôch, akâu sư đe pơrăm đĭ păng klơ̆m ăn kơ ŭnh sa.

Da 7:26

Mă-lei tơdrong sek tơlang gô truh păng đe gô iŏk lê̆ tơdrong pơgơ̆r đơ̆ng sư, wă pơrăm tơhiong tôch đĭ hloi.

Da 7:3

Đơ̆ng noh, đei puăn tŏ kon sem brem tih lĕch đơ̆ng đak; puăn tŏ kon sem brem 'nâu phara băl.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Luka 10:20

Iĕm 'nĕ chhôk kơ yang kơnê̆ chu iĕm, mă-lei iĕm athei chhôk kơ 'Bok Kei-Dei chih anăn iĕm tơ Pơlei 'lơ̆ng.”

Luka 8:31

Na lu yang kơnê̆ ei apinh Yêsu thoi âu: “Dah Ih pơpuh nhôn, Ih 'nĕ pơpuh nhôn năm tơ sơlŭng jrŭ.”

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Jang 15:18

Kră Yang 'Bok Kei-Dei khan thoi noh, Sư pơm 'blep tơdrong noh mơ̆n. Sư tơbăt kơ đe tơdrong noh đơ̆ng blŭng-a sơ̆.’

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

Tơdrông Tơ'bôh 11:7

Lăp bre sư năm chă pơtruh kơ đe tơdrong 'Bok Kei-Dei tôm boih, na đei minh pôm sem brem kơnê̆ pơplŏng lĕch đơ̆ng sơlŭng jrŭ blah pơlôch bre sư, lôch hloi.

Tơdrông Tơ'bôh 17:11

Gah sem brem mă sơ̆ arih hiôk, dang ei lôch ưh pă 'bôh boih noh, sư pơm pơtao mă tơhngam, sư păl lu tơpơh 'nu noh, ning-mônh 'Bok Kei-Dei gô phak sư kơtang kơtĭt.

Tơdrông Tơ'bôh 17:2

Lu 'bok pơtao jơ̆p kơ teh đak kư̆m ngôi pơyô hăm sư mơ̆n, sư boih pơm pơyô kư̆ kă tơ'bôh kơ đe jơ̆p kơ teh đak adrol, dang sư ăn kơ đe et sik suai.”

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.