Tơdrông Tơ'bôh 17:7 - Sơ̆p Hlabơar Nơ̆r 'Bok Kei-Dei

⁷ Na linh jang 'lơ̆ng ei khan kơ inh: “Yua kơ kiơ ih ưh kơ hlôh? Lê̆ inh tơblang ăn kơ ih tơdrong hrĕp bơngai drŏ-kăn noh păng tơdrong sem mă đei tơpơh tŏ kơ̆l, mơjĭt tŏ ake, mă bơngai drŏ-kăn noh hao.

Tơdrông Tơ'bôh 17:7 Iomraidhean Croise

II Tes 2:7

'Bok Kei-Dei ăn kơ bơ̆n băt gah tơdrong bơngai kơnê̆ ayăt kơ Sư ning-mônh ei. Dang ei kư̆m đei lu bơngai wă pơm kơnê̆ thoi bơngai mă kơnê̆ ei ning-mônh mơ̆n. Na 'bok yŏng lu sư, wă khan 'bok mă pơm kơnê̆ tam mă truh ei, gô đe achăng tơdrong pơgăn sư 'mơ̆i na sư truh.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 12:3

Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.