Tơdrông Tơ'bôh 17:16 - Sơ̆p Hlabơar Nơ̆r 'Bok Kei-Dei

¹⁶ Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Tơdrông Tơ'bôh 17:16 Iomraidhean Croise

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Horiso 27:2

Mưh lu bơngai pơm kơnê̆ bruh Wă hek sa sĕch inh, lu ayăt hăm lu bơngai wă blah inh. Na lu sư pơ̆k đĭ-đăng.

Da 7:5

'Nâu sem brem mă 'bar, hơbŏ thoi chơgơu; sư dơ̆ng cheng minh pah akâu. Đei pêng tŏ kơting jơmir lăm 'bơ̆r sơlam hơnĕnh; kơpơ̆ng hăm ala păng đe khan kơ sư thoi âu: Iung bĕ; luăn sa lu sĕch mă lơ.

Lêwi 21:9

Tơdah kon adruh 'bok soi ngôi kư̆ kă, noh jơ̆ pơm kơnê̆ kơ anăn 'bă sư, na đe gô soh sư lăm ŭnh.

Tơdrông Tơ'bôh 12:3

Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Tơdrông Tơ'bôh 16:12

Linh jang mă tơdrâu tuh đak pơgang đơ̆ng pơnhan sư tơ krong tih mă đe anăn krong Êphrat, na krong ei jing hrơ̆ hloi jing trong hrĕng 'lơ̆ng ăn kơ lu 'bok pơtao đơ̆ng gah hơlĕch wă năm tơblah.

Tơdrông Tơ'bôh 17:10

Tơpơh tŏ kơ̆l noh kư̆m wă pơtih gia kơ tơpơh 'nu 'bok pơtao. Tơpơh 'nu 'bok pơtao noh pơđăm 'nu lôch boih, minh 'nu mă oei pơgơ̆r dang ei, minh 'nu tam mă trŏ kơ sư pơgơ̆r. Mă sư pơgơ̆r, sư pơgơ̆r ưh kơ đunh ôh.

Tơdrông Tơ'bôh 18:19

Lu sư chup teh pơnŭk săi kơpal kơ̆l lu sư mơlŭng mơlăng, nhơ̆m hmoi ơh ol pơma ôr pơret khan: “Ô glăi, ô glăi, Pơlei Babilôn pơlei tih-tin, lu bơngai đei duk oei tơ đak dơsĭ mơdrŏng yua đơ̆ng sư, lăm minh jơ đĕch ưh kơ đunh mă hiong đĭ tơmam mơdrŏng, tơmam 'lơ̆ng rŏ.”

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”

Tơdrông Tơ'bôh 19:18

Iĕm năm sa đak ôm atâu 'bok pơtao, 'bok tih linh, lu bơngai pran tih, lu aseh păng akâu bơngai mă hao aseh noh; sa đĭ rim khŭl bơngai rơngei, bơngai đĭch, bơngai pơm tih, pơm iĕ.”