Tơdrông Tơ'bôh 17:11 - Sơ̆p Hlabơar Nơ̆r 'Bok Kei-Dei

¹¹ Gah sem brem mă sơ̆ arih hiôk, dang ei lôch ưh pă 'bôh boih noh, sư pơm pơtao mă tơhngam, sư păl lu tơpơh 'nu noh, ning-mônh 'Bok Kei-Dei gô phak sư kơtang kơtĭt.

Tơdrông Tơ'bôh 17:11 Iomraidhean Croise

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 13:3

Dôm lu kơ̆l sư noh, đei minh pôm kơ̆l lăng sư đei rơka să rŏ kơ đêl lôch, mă-lei tơdrong jĭ sư noh dang ei klaih 'lơ̆ng boih. Na đĭ-đăng kon bơngai jơ̆p kơ teh đak lăng sư hlĭch tơpă ưh kơ băt thoi yơ na kiơ̆ hloi sem noh.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.