Tơdrông Tơ'bôh 17:10 - Sơ̆p Hlabơar Nơ̆r 'Bok Kei-Dei

¹⁰ Tơpơh tŏ kơ̆l noh kư̆m wă pơtih gia kơ tơpơh 'nu 'bok pơtao. Tơpơh 'nu 'bok pơtao noh pơđăm 'nu lôch boih, minh 'nu mă oei pơgơ̆r dang ei, minh 'nu tam mă trŏ kơ sư pơgơ̆r. Mă sư pơgơ̆r, sư pơgơ̆r ưh kơ đunh ôh.

Tơdrông Tơ'bôh 17:10 Iomraidhean Croise

Êsai 23:15

Kơplah noh kơnh pơlei Tir đe gô hiơt kơ sư lăm tơpơh-jĭt sơnăm, dang minh chăl arih pơtao. Klaih hlôi kơ tơpơh-jĭt sơnăm bơih, pơlei Tir gô nhen thoi 'bai bơngai drŏ-kăn đi hơri.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 13:3

Dôm lu kơ̆l sư noh, đei minh pôm kơ̆l lăng sư đei rơka să rŏ kơ đêl lôch, mă-lei tơdrong jĭ sư noh dang ei klaih 'lơ̆ng boih. Na đĭ-đăng kon bơngai jơ̆p kơ teh đak lăng sư hlĭch tơpă ưh kơ băt thoi yơ na kiơ̆ hloi sem noh.

Tơdrông Tơ'bôh 17:11

Gah sem brem mă sơ̆ arih hiôk, dang ei lôch ưh pă 'bôh boih noh, sư pơm pơtao mă tơhngam, sư păl lu tơpơh 'nu noh, ning-mônh 'Bok Kei-Dei gô phak sư kơtang kơtĭt.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.