Tơdrông Tơ'bôh 17:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh minh 'nu lăm tơpơh 'nu linh jang mă chĕp tơpơh tŏ pơnhan ei, sư năm tơ inh păng khan: “Kiơ̆ inh bĕ, inh gô tơ'bôh kơ ih tơdrong 'Bok Kei-Dei phak bơngai đi pơm pơyô ngôi kư̆ kă noh, bơngai ei oei 'bơ̆t cheng đak krong hăm đak glung.

Tơdrông Tơ'bôh 17:1 Iomraidhean Croise

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 51:13

Lu bơngai oei jê̆ tơ lơ thong đak krong. Iĕm mơdrŏng đei lơ hnam tah tơmam gĭt, Năr tôch kơ ih truh boih, trŏ boih kơ chăl đe wă pơrăm chăl arih ih, khei 'năr ih arih kơtĕch boih.

Êsêkiên 31:4

Đak rong wă kơ sư wơ̆, đak glung tih jrŭ pơm kơ sư kơjung; lu đak ro jum dăr kơ anih đe pơtăm sư, lu chơnglah krong ro ruh rim kơ tơnơm 'long tơ bri;

Luka 24:32

Bre sư pơma dih băl khan: “Sư tơblang kơ ba tơdrong lăm sơ̆p hla bơar 'Bok Kei-Dei kơplah bơ̆n oei yak hơdai rok trong hei ba mah đơđŭk hiôk jơhngơ̆m hloi iih?”

Luka 9:30

Đơ̆ng noh 'bôh blư kơ Môis păng Êli jur pơma dơnuh păng Yêsu.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 15:1

Đơ̆ng noh inh đei 'bôh tơdrong tơ kơpal plĕnh ti hlĭch dêh. Đei tơpơh 'nu linh jang 'lơ̆ng, lu sư wă iŏk tơpơh pơnhan đak pơgang wă pơmat lu bơngai ưh kơ lui. Tơpơh pơnhan đak pơgang noh gô đei tơpơh 'măng pơmat. Tơpơh 'măng đei tơdrong pơmat noh 'Bok Kei-Dei ăn pơmat pơhrăp kon bơngai lu mă Sư hil. Klaih kơ noh Sư huay pă hil dơ̆ng boih.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

Tơdrông Tơ'bôh 21:15

Linh jang mă pơma hăm inh ei sư chĕp 'long thưk pơm păng maih wă pơtŏ lăng pơlei ei, 'măng pơlei ei, dur pơlei ei, tih sư dang yơ.

Tơdrông Tơ'bôh 21:9

Minh 'nu lăm tơpơh 'nu linh jang mă chĕp tơpơh tŏ pơnhan đak pơgang tơdrong pơmat đe noh, sư năm pơma kơ inh thoi âu: “Bĕ kiơ̆ inh, inh wă tơ'bôh kơ ih akăn Triu Sư 'nao oei.”

Tơdrông Tơ'bôh 4:1

Đơ̆ng noh inh ngơk lăng tơ plĕnh, inh 'bôh plĕnh tơpơih thoi 'măng. Păng inh kơtơ̆ng dơ̆ng 'bơ̆r 'Bok mă pơma re jơwa dang đe hlôm keng noh hei, Sư pơma dơ̆ng kơ inh dang ei khan: “Apinh ih tŏk tơ âu, Inh wă tơ'bôh kơ ih dôm tơdrong mă gô đei păng gô 'bôh ning-mônh.”