Tơdrông Tơ'bôh 16:9 - Sơ̆p Hlabơar Nơ̆r 'Bok Kei-Dei

⁹ Tŏ sa kon bơngai na kon bơngai blei hiap pơma kơnê̆ kơ 'Bok Kei-Dei, yua kơ 'Bok Kei-Dei phak pơmat lu sư tôm tơdrong thoi noh. Mă-lei lu sư ưh kơ chu tơbral tơdrong yoch 'mơ̆i hăm ưh kơ wă ư-ang kơ 'Bok Kei-Dei.

Tơdrông Tơ'bôh 16:9 Iomraidhean Croise

II Pot 6:33

Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”

II Ho 28:22

Lăm kơplah đei tơdrong truh pơmat-tat, Ahas rai pơm yoch hăm Kră Yang

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Je 13:6

Đunh năr 'biơ̆ đơ̆ng rŏng kơ noh, Kră Yang khan kơ inh: “Iung bĕ năm tơ đak Krong Ơphrat na iŏk dơ̆ng che tơ̆n kơiĕng mă Inh đei athei ih ôn tơ noh ki.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.