Tơdrông Tơ'bôh 16:15 - Sơ̆p Hlabơar Nơ̆r 'Bok Kei-Dei

¹⁵ Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 16:15 Iomraidhean Croise

Le 32:25

Môis 'bôh kon pơlei pơla đei tơdrong rơngei pơm kư̆ kă mơ̆ng kơ lu sư wă, ưh kơ đei bơngai wei-lăng lu sư, yua kơ Arôn lê̆ lu sư rơngei dĭng mah đei tơdrong lu ayăt pơjăm lu sư.

Êsai 47:3

Akâu hoh ih gô pơdah tơ 'nguaih Tơdrong mơlâu ih gô 'bôh! Inh gô pơm 'mong plơ̆, ưh kơ đei lon minh 'nu bu ôh.

Êsêkiên 16:37

lei na Inh gô akŭm đĭ-đăng lu bơngai ih hưch ih wă, noh lu bơngai ih hưch hăm lu bơngai ih areh; Inh gô akŭm lu sư đơ̆ng jơ̆p kơ anih năm blah ih. Inh gô tơ'bôh ăn hang-hông ih 'bơ̆t anăp lu sư, lu sư gô 'bôh đĭ-đăng hang-hông ih.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Habakuk 2:15

Răm-'băm dêh kơ lu bơngai bu mă tuh ăn tơdrô kơ lu kon pơlei đe huch, wă kơ đe suai, na 'maih lăng đe brao!

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Markôs 14:38

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

II Kor 5:3

Thoi noh na nhôn 'maih jah hrŭk iŏk akâu 'nao ei. Ưh kơ sĭ nhôn kuă kơ đei akâu ôh.

I Tes 5:4

Mă-lei iĕm lui boih kơ Kră Yang, iĕm huay kơ hli lăm năr noh kơnh ôh, yua kơ iĕm huay pă oei lăm măng mu boih.

I Tes 5:6

Yua kơ bơ̆n huay pă oei lăm măng mu boih, na bơ̆n 'nĕ kơ tep hiơt thoi lu bơngai ưh kơ lui. Bơ̆n lui boih, bơ̆n thoi lĕ iung đơ̆ng tep na bơ̆n athei kơchăng ling-lang. Bơ̆n athei pơm thoi bơngai hơdrăl ưh kơ et sik; 'noh wă khan bơ̆n athei lui kơjăp mă tơpă.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

Tơdrông Tơ'bôh 22:7

Yêsu khan: “Inh wă jê̆ jur boih, bơngai bu lui păng kiơ̆ hloi dôm nơ̆r 'Bok Kei-Dei roi tơbăt ăn tơ lăm sơ̆p hla bơar âu, bơngai noh sư hiôk tơpă.”

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.