Tơdrông Tơ'bôh 15:8 - Sơ̆p Hlabơar Nơ̆r 'Bok Kei-Dei

⁸ Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.

Tơdrông Tơ'bôh 15:8 Iomraidhean Croise

Horiso 29:9

Nơ̆r Kră Yang pơm ăn kơ juei akăn tuh kon Păng lŏng lê̆ lu roh bri 'biơu-'biao. Lăm Hnam Sư đĭ-đăng ôr khan: “Ư-ang tơpă!”

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Êsai 6:4

Yua kơ re jơwa ôr noh na đĭ-đăng lu jrăng 'măng tơdrŏ păng hnam akŭm 'bĕnh kơ 'nhui.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Nhom 3:44

Ih ôn akâu Ih lăm hơmơ̆l, dĭng mah nơ̆r nhôn krao khan pă klĕch truh tơ Ih.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

Tơdrông Tơ'bôh 15:1

Đơ̆ng noh inh đei 'bôh tơdrong tơ kơpal plĕnh ti hlĭch dêh. Đei tơpơh 'nu linh jang 'lơ̆ng, lu sư wă iŏk tơpơh pơnhan đak pơgang wă pơmat lu bơngai ưh kơ lui. Tơpơh pơnhan đak pơgang noh gô đei tơpơh 'măng pơmat. Tơpơh 'măng đei tơdrong pơmat noh 'Bok Kei-Dei ăn pơmat pơhrăp kon bơngai lu mă Sư hil. Klaih kơ noh Sư huay pă hil dơ̆ng boih.

Tơdrông Tơ'bôh 21:11

Pơlei ei 'lơ̆ng rŏ tơpă yua kơ đei 'Bok Kei-Dei oei tơ noh. Pơlei ei rang hơdah dang tơpei hu, dang tơpei maih, rang kok thoi amĭl.