Tơdrông Tơ'bôh 14:4 - Sơ̆p Hlabơar Nơ̆r 'Bok Kei-Dei

⁴ Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Tơdrông Tơ'bôh 14:4 Iomraidhean Croise

Horiso 45:14

Sư gô hrŭk ao taij na năm tơ anăp pơtao, Lu adruh hlek jing buăl sư kư̆m năm kiơ̆ đơ̆ng rŏng sư ba sư truh tơ pơtao.l

Horiso 74:2

Apinh Ih 'blŏk kơ kon pơlei mă Ih đei huai iŏk sơ̆, Adrĕch adrung mă ih đei dŏng pơklaih wă jing kon pơlei Ih. Apinh 'blŏk kơ Kông Siôn, mă anih Ih oei boih.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Hơri Hiôk 6:8

Đei tơdrâu-jĭt akăn tơm pơtao Đei tơhngam-jĭt 'nu akăn kơnhŏng Păng lơlap lơlang adruh hơlai.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Mathiơ 19:12

Đei bơngai mơ'nah ưh kơ wă iŏk akăn, yua kơ sư kơđo đơ̆ng klak mĕ sư tơpŭ sơ̆ ưh kơ gơh pơjing kon. Đei bơngai mơ'nah ưh kơ wă iŏk akăn, yua kơ đơ̆ng tơduă kon bơngai pơm kơ sư thoi noh. Đei bơngai mơ'nah ưh kơ wă iŏk akăn, yua kơ sư wă adrin jang tơdrong 'Bok Kei-Dei; na bu kĕ adrin tơdrong 'noh, adrin bĕ.”

Mathiơ 25:1

“Kơplah năr ei kơnh lu bơngai mă khan 'Bok Kei-Dei pơgơ̆r lu sư ră, mă-lei lu sư thoi lĕ kơ mơjĭt 'nu adruh âu, rim 'nu kơ lu sư chĕp ŭnh kơđeng ngăl wă năm ngôi hơpong kơ bơngai 'nao iŏk akăn. Lu sư chang gô bơngai mă 'nao iŏk akăn ei wă truh.

Mathiơ 8:19

Lăp lu sư wă yak đei minh 'nu thây bơtho tơdrong juăt đe Juđê apinh Sư: “Ơ 'Bok Thây, mă Ih năm tơ yơ yơ, inh wă kiơ̆ Ih ngăl.”

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 13:37

Pêtrôs jet Sư: “Kơlih kơ kiơ inh ưh kơ gơh kiơ̆ Ih dang ei? Inh chu lôch kiơ̆ Ih.”

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

I Kor 7:28

Mă dah lu iĕm tơdăm iŏk akăn dang ei kư̆m ưh kơ đei yoch kiơ ôh. Mă lu adruh dah hăt kơ chă klo kư̆m ưh kơ đei tơdrong yoch kiơ ôh. Mă-lei inh bơtho wă kơ iĕm huay kơ đei tơdrong gleh thoi lu bơngai đei kon akăn.

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

I Tim 4:3

Lu bơngai ei chă bơtho đe khan ưh kơ gơh iŏk klo kăn păng kơ̆m kơ lu tơmam sa. Mă-lei 'Bok Kei-Dei pơjing tơmam sa 'noh wă kơ bơ̆n gơh sa. Na lu bơ̆n bơngai lui băt tôm tơdrong 'Bok Kei-Dei, bơ̆n athei krao khan bơnê kơ Sư 'mơ̆i, klaih kơ noh bơ̆n gơh sa boih.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 21:22

Gah hnam 'Bok Kei-Dei inh ưh kơ 'bôh ôh, yua kơ Sư Kră Yang Tih Hloh, Sư hăm Kon Triu gơh oei jơ̆p-jang kơ anih, mă pơlei noh kư̆m dang hnam Sư mơ̆n.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.