Tơdrông Tơ'bôh 14:2 - Sơ̆p Hlabơar Nơ̆r 'Bok Kei-Dei

² Inh đei kơtơ̆ng dơ̆ng 'bơ̆r pơma jơwa đơ̆ng plĕnh thoi lĕ kơ jơwa đak chơkơi păng thoi jơwa grơ̆m glaih, jơwa noh thoi jơwa bơngai tơpôl reh brŏ kư̆m đei.

Tơdrông Tơ'bôh 14:2 Iomraidhean Croise

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

II Ho 20:28

Lu sư brŏk truh mơ̆t lăm pơlei Jêrusalem, năm truh tơ hnam akŭm tơm Kră Yang reh brŏ dung, tĭng-nĭng păng hlôm keng.

Horiso 147:7

Hơri bơnê bĕ kơ Kră Yang. Reh brŏ Dung bơnê kơ Kră Yang 'Bok Kei-Dei lu bơ̆n.

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 33:2

Iŏk bĕ tĭng-nĭng bơnê kơ Kră Yang, Yua bĕ brŏ mam mơjĭt dăng tơlei na hơri bơnê kơ Sư,

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

Horiso 57:8

Hơđơ̆r bĕ ơ bơhngol inh! Ơ tĭng-nĭng păng brŏ tơlei, hơdơ̆r bĕ! Inh kư̆m hơdơ̆r đơ̆ng hrôih.

Horiso 92:3

Lăm Brŏ mơjĭt dăng tơlei păng tĭng-nĭng. Reh tơmơ̆t hăm brŏ dung.

Horiso 93:4

Kră Yang oei pơgơ̆r tơ kơpal đei tơdrong mơsêh. Mơsêh hloh kơ jơwa đak dơsĭ. Mơsêh hloh kơ lu jơwa đak dơsĭ poh-yă.

Horiso 98:5

Iŏk bĕ brŏ reh, hơri ư-ang kơ Kră Yang. Iŏk brŏ tĭng-nĭng hơri tơ'nguơ̆ ư-ang bĕ kơ Kră Yang;

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,

I Kor 13:1

Dah inh gơh pơma tôm kơ nơ̆r kon bơngai păng nơ̆r linh jang kơpal plĕnh ti, mă-lei akâu inh ưh kơ băt 'mêm kơ 'Bok Kei-Dei hăm bôl buăl inh, lei 'bơ̆r inh pơma noh thoi lĕ kơ jơwa đe teh teng păng jơwa tŏk-rŏk đĕch.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Tơdrông Tơ'bôh 1:15

Jơ̆ng Sư hơdah 'brŭng dreng thoi mam ngơr đe 'buh tơ ŭnh, 'bơ̆r Sư pơma mơ̆ng thoi jơwa đak chơkơi.

Tơdrông Tơ'bôh 11:12

Bre sư kơtơ̆ng nơ̆r pơma re tơ plĕnh khan: “Ơ bre noh, tŏk tơ âu bĕ.” Na bre sư tŏk hloi tơ plĕnh hơmơ̆l hiŏng bre sư. Dôm lu bơngai mă ayăt kơ bre sư 'bôh bre sư tŏk mơ̆n.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 15:2

Inh kư̆m 'bôh tơdrong hlĭch thoi đak dơsĭ hlăng chơchơr thoi getchai thoi amĭl, mă kư̆m lăng thoi đei ŭnh mơ̆n. Na lu bơngai mă ưh kơ chu kơkuh kơ rup sem, akâu sem ei păng ưh kơ ăn sem ei chơ̆m đŏng yâu tơ klĕng sư păng kuă kơ iŏk dôm tơmam sem ei, kơsô̆ sư dah anăn sư, jei lu bơngai noh boih. Na đĭ-đăng lu bơngai noh lu sư dơ̆ng kơpal đak dơsĭ ei. Lu sư iŏk brŏ 'Bok Kei-Dei,

Tơdrông Tơ'bôh 18:22

Tơ tŏk-bŏk e pă layơ kơtơ̆ng tơdrong đe reh brŏ, kơtơ̆ng đe hơri suang, kơtơ̆ng đe hlôm tơgiĕp, hlôm keng; păng tôm kơ lu bơngai thơ̆, lu bơngai peh 'ba pă 'bôh boih.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

Tơdrông Tơ'bôh 6:1

Đơ̆ng noh na inh 'bôh Kon Triu hek hla bơar đêl đe pơklep tơdra noh. Sư hek tơdra mă mônh lăm tơpơh tŏ tơdra noh, inh kơtơ̆ng minh pôm lăm puăn anăn sem noh, sư krao minh 'nu bơngai hao aseh kok, sư pơma 'bơ̆r re dang grơ̆m glaih tơdrăng, sư khan thoi âu: “Tơ âu bĕ.”

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.