Tơdrông Tơ'bôh 14:16 - Sơ̆p Hlabơar Nơ̆r 'Bok Kei-Dei

¹⁶ Thoi noh na 'Bok mă oei kơpal hơmơ̆l noh Sư năm yuă iŏk pơđĭ lu 'ba noh.

Tơdrông Tơ'bôh 14:16 Iomraidhean Croise

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Tơdrông Tơ'bôh 14:14

Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.

Tơdrông Tơ'bôh 14:15

Đơ̆ng noh đei minh 'nu linh jang 'lơ̆ng nai dơ̆ng lĕch đơ̆ng hnam 'Bok Kei-Dei tơ plĕnh, sư pơma 'bơ̆r re kơ 'Bok mă oei kơpal hơmơ̆l thoi âu: “Dang ei mir 'ba tơ ala teh sŭng truh bơyan sư đum boih, iŏk săng kô Ih yuă bĕ.”

Tơdrông Tơ'bôh 14:17

Đơ̆ng noh đei minh 'nu linh jang 'lơ̆ng nai lĕch đơ̆ng hnam 'Bok Kei-Dei tơ plĕnh mơ̆n, sư kư̆m đei săng kô han.

Tơdrông Tơ'bôh 14:19

Thoi noh na linh jang 'lơ̆ng mă đei săng kô han noh sư hơloh năm kăt pơđĭ lu hơie plei hơmu đơ̆ng lăm war tơ ala teh noh tah tơ lăm tơpăl tơmo mă đe juăt kơ peh chơpĕt iŏk đak sư. Tơdrong 'nâu ưh kơ pơma gah plei hơmu tơpă ôh, sư pơtih gia kơ 'Bok Kei-Dei hil kơ lu bơngai ala teh ưh kơ lui, na Sư gô pơrăm lu bơngai ưh kơ lui noh thoi đe peh pơhĕch plei hơmu.