Tơdrông Tơ'bôh 14:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.

Tơdrông Tơ'bôh 14:14 Iomraidhean Croise

Horiso 21:3

Yua kơ hăm tơdrong 'lơ̆ng rŏ na năm sơng iŏk sư, Pơyơ̆l ăn tơ kơ̆l sư môk pơtao 'maih rang.

Horiso 97:2

Hơmơ̆l păng măng mu gom tăp dăr kơ Sư; Tơdrong tơpăt tơdrong hơnơ̆ng pơm hơnă tang-dŏ pơtao Sư.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsêkiên 1:26

Kơpal gơwang tơ rơwơ̆ng kơpal kơ̆l lu kon sem arih đei rup kiơ noh nhen thoi tang-dŏ pơtao pơm păng tơmo rang; kơpal tang-dŏ noh đei rup hơbŏ thoi bơngai.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Mathiơ 13:30

Lê̆ 'ba hăm 'nhĕt wơ̆ hơdai truh đum kư̆m bưh na inh gô khan kơ iĕm bơngai mă kĕch 'ba noh ning-mônh thoi âu: Hơdrol kơ iĕm wă kĕch, iĕm buch pơđĭ 'nhĕt noh 'mơ̆i chô̆ akŭm tung tŭk tơ ŭnh, đơ̆ng noh na iĕm kĕch tuh 'ba bơ̆n tơ kŭ.’ ”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Markôs 4:29

Lăp 'ba đum boih, na tơ'ngla sư wơh đe năm kĕch, yua kơ trŏ bơyan 'ba đum boih.”

Luka 21:27

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

Tơdrông Tơ'bôh 1:13

'Bơ̆t tŏk-bŏk jơ̆ng kơđeng noh inh 'bôh minh 'nu hơbŏ Sư thoi Kon Bơngai. Sư hrŭk ao tai păng chô̆ gơ'năm maih tơ kơtơh Sư.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 11:17

păng khan: “Ơ 'Bok Kei-Dei Kră Yang Tih Hloh, Ih mơsêh mơyang tih-tin mă đei đơ̆ng sơ̆ khơ̆ dang ei, bơnê kơ Ih, nhôn băt kơ Ih wă pơgơ̆r tôm tơdrong tơpă boih.

Tơdrông Tơ'bôh 19:12

Măt Sư thoi pla ŭnh, Sư yơ̆l môk pơtao lơlap. Păng đei chih anăn tơ akâu Sư, mă-lei ưh kơ đei bu băt kơ anăn Sư noh, pôm Sư kơdih đĕch băt.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 6:2

Na bơngai hao aseh kok ei năm hloi tơ sư chĕp jŏ hră. Đe ăn kơ sư agăl pơkao wă pơtih gia kơ tơdrong sư blah đe jei sư. Na sư năm tơblah. Sư blah đe jei sư tơpă.