Tơdrông Tơ'bôh 14:11 - Sơ̆p Hlabơar Nơ̆r 'Bok Kei-Dei

¹¹ Na ŭnh mă pơmat lu sư noh đei 'nhui tŏk ling-lang ưh kơ đei pơdơh. Lu bơngai mă kơkuh kơ sem păng rup sem noh păng chu ăn kơ sem noh chơ̆m đŏng yâu sư, lu bơngai noh lu sư pơmat măng năr, pă đei hiôk hơya tŏ sĕt 'biơ̆.”

Tơdrông Tơ'bôh 14:11 Iomraidhean Croise

Bl 19:28

Sư tơmang lăng tơ gah Sôđôm păng Gômôrơ păng đĭ-đăng tơ lăm thŭng, lăng 'bôh 'nhui đơ̆ng teh, 'nhui nhen lĕch đơ̆ng tơnuh ŭnh tih.

Horiso 10:16

Kră Yang boih Pơtao ling-lang hlŏng hloi; Lu teh đak gô pơrăm đĭ đơ̆ng dêh char sư.

Horiso 145:1

Ơ Kră Yang 'Bok Kei-Dei inh, pơtao inh. Inh gô pôk ư-ang kơ Ih. Păng hơri bơnê kơ anăn Ih ling-lang hlŏng hloi.

Le 15:18

Kră Yang gô pơgơ̆r ling-lang, hlŏng hloi.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 34:10

Măng năr ưh kơ đei layơ păt, 'nhui ŭnh bluh hơnơ̆ng. Teh gô jing juơ đơ̆ng chăl âu truh tơ chăl nai, ling-lang hlŏng hloi ưh pă đei bu oei dah chă găn brih rok trong noh.

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êsai 57:20

Mă-lei lu bơngai kơnê̆ nhen thoi đak dơsĭ poh-yă ưh kơ gơh pơdơh hreh, đak dơsĭ tơdrŏ, teh trôk đông tŏk.

Da 3:6

Lu đe bu mă ưh kơ drap kơkuh, đe gô klơ̆m lê̆ sư tơ lăm ŭnh kơdơ̆r to.

Jôel 2:30

Inh gô tơ'bôh ăn dôm tơdrong hlĭch chrơp tơ kơpal plĕnh ti păng kơpal teh đak âu, noh wă khan ŭnh, pham, păng lu jrăng 'nhui ŭnh.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 13:15

Sem ei gơh pơm kơ rup sem mă đêl đe pơm ei gơh dui jơhngơ̆m păng gơh pơma athei đe pơlôch tŭk dôm lu bơngai mă ưh kơ chu kơkuh kơ sư.

Tơdrông Tơ'bôh 13:17

Tơ̆ng bu ưh kơ chu chơ̆m đŏng yâu sư noh, bơngai noh sư ưh kơ ăn mơdro sa păng ưh kơ ăn chă năm răt tơmam. Đŏng yâu noh đe chih anăn sem mă mônh, phŏ chih pôm kơsô̆ mă trŏ kơ anăn sem mă mônh noh mơ̆n.

Tơdrông Tơ'bôh 14:9

Đơ̆ng noh đei linh jang 'lơ̆ng nai dơ̆ng kiơ̆ đơ̆ng rŏng sư pơma 'bơ̆r re kơ đe khan: “Bu chu kơkuh kơ sem păng rup sem noh păng chu chơ̆m đŏng yâu sem noh tơ klĕng dah tơ ti sư,

Tơdrông Tơ'bôh 18:18

Lu sư 'bôh 'nhui ŭnh sa pơlei noh na lu sư nhơ̆m hmoi ôr pơret khan: “Pă đei pơlei ayơ tih atŏ, 'lơ̆ng atŏ dang pơlei noh.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 19:3

Lu bơngai tơpôl ei pơma 'bơ̆r re pă 'măng dơ̆ng: “Halêluya, ư-ang kơ 'Bok Kei-Dei yua kơ 'nhui ŭnh đơ̆ng sa Pơlei Babilôn ei tŏk khŏm khŏm hoh-hoy kơ păt.”

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.

Tơdrông Tơ'bôh 7:12

“Trŏ boih lu sư khan thoi noh. Bơnê kơ Ih Kră Yang nhôn 'Bok Kei-Dei. Ih 'lơ̆ng rŏ mơsêh mơyang pran tih hlôh wao tôm tơdrong, na trŏ kơ nhôn lui yom păng ư-ang Ih ling-lang ưh kơ layơ tôch. A-men.”