Tơdrông Tơ'bôh 13:8 - Sơ̆p Hlabơar Nơ̆r 'Bok Kei-Dei

⁸ Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 13:8 Iomraidhean Croise

Bl 22:7

Isăk pơma hăm Abraham, 'bă sư, thoi âu: “Ơ 'bă!” 'Bă sư tơl: “Kiơ kon! ‘'Bă tơ âu.’ ” Isăk khan: “'Long ŭnh đei boih, ŭnh đei boih, mă-lei tơ yơ kon triu wă 'buh soi?”

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Luka 10:20

Iĕm 'nĕ chhôk kơ yang kơnê̆ chu iĕm, mă-lei iĕm athei chhôk kơ 'Bok Kei-Dei chih anăn iĕm tơ Pơlei 'lơ̆ng.”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Tơdrông Tơ'bôh 12:15

Na yă-grai ei sư pruh tơlĕch đak đơ̆ng 'bơ̆r sư jing đak krong tih druh đơ̆ng rŏng bơngai drŏ-kăn ei wă kơ đak krong noh pơhoch sư ră.

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”

Tơdrông Tơ'bôh 5:13

Na inh kơtơ̆ng dơ̆ng pă minh khŭl tôm kơ đĭ-đăng anăn đơ̆ng 'Bok Kei-Dei pơjing plĕnh hăm teh sơ̆, tôm kơ anăn lu bơngai lôch, tôm kơ anăn kon sem lăm đak dơsĭ, đĭ lu sư hơri minh nơ̆r hơdai thoi âu: “Bơnê kơ 'Bok Pơtao mă oei tơ tang-dŏ, hăm bơnê kơ Kon Triu, mơsêh mơyang 'lơ̆ng rŏ trŏ kơ nhôn lui yom păng ư-ang ling-lang ưh kơ layơ tôch.”

Tơdrông Tơ'bôh 6:1

Đơ̆ng noh na inh 'bôh Kon Triu hek hla bơar đêl đe pơklep tơdra noh. Sư hek tơdra mă mônh lăm tơpơh tŏ tơdra noh, inh kơtơ̆ng minh pôm lăm puăn anăn sem noh, sư krao minh 'nu bơngai hao aseh kok, sư pơma 'bơ̆r re dang grơ̆m glaih tơdrăng, sư khan thoi âu: “Tơ âu bĕ.”