Tơdrông Tơ'bôh 13:3 - Sơ̆p Hlabơar Nơ̆r 'Bok Kei-Dei

³ Dôm lu kơ̆l sư noh, đei minh pôm kơ̆l lăng sư đei rơka să rŏ kơ đêl lôch, mă-lei tơdrong jĭ sư noh dang ei klaih 'lơ̆ng boih. Na đĭ-đăng kon bơngai jơ̆p kơ teh đak lăng sư hlĭch tơpă ưh kơ băt thoi yơ na kiơ̆ hloi sem noh.

Tơdrông Tơ'bôh 13:3 Iomraidhean Croise

Êsêkiên 30:24

Inh gô ăn kơ ti pơtao Babilôn pran păng ăn đao Inh lăm ti sư; Inh gô gơ̆ lê̆ ti Pharaôn, pơtao Êyiptơ na sư gô hmoi ôr 'bơ̆t anăp pơtao Babilôn thoi minh 'nu bơngai rơka ôr wă jê̆ lôch.

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Yo 12:19

Thoi noh boih, na lu bơngai Pharisi ơh klai. Lu sư pơma khan dih băl: “Iĕm lăng, ưh pă jei bơ̆n tơpă boih; dang ei đĭ-đăng kon bơngai kiơ̆ Sư ngăl.”

Jang 8:13

Simôn kư̆m lui mơ̆n păng iŏk 'batem. Klaih kơ noh sư oei păng Philip ling-lang. Sư 'bôh tơdrong mơsêh mơyang đơ̆ng 'Bok Kei-Dei ăn kơ Philip pơm, na sư sơleng kơ đon ưh kơ băt thoi yơ dơ̆ng.

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 17:10

Tơpơh tŏ kơ̆l noh kư̆m wă pơtih gia kơ tơpơh 'nu 'bok pơtao. Tơpơh 'nu 'bok pơtao noh pơđăm 'nu lôch boih, minh 'nu mă oei pơgơ̆r dang ei, minh 'nu tam mă trŏ kơ sư pơgơ̆r. Mă sư pơgơ̆r, sư pơgơ̆r ưh kơ đunh ôh.

Tơdrông Tơ'bôh 17:11

Gah sem brem mă sơ̆ arih hiôk, dang ei lôch ưh pă 'bôh boih noh, sư pơm pơtao mă tơhngam, sư păl lu tơpơh 'nu noh, ning-mônh 'Bok Kei-Dei gô phak sư kơtang kơtĭt.

Tơdrông Tơ'bôh 17:13

Đĭ dôm lu sư pôm đon pơjao ăn kơ sem brem mă lôch iung arih noh pơgơ̆r.

Tơdrông Tơ'bôh 17:17

Tơdrong lu sư blah bơngai drŏ-kăn noh 'Bok Kei-Dei lăp đon mơ̆n, yua kơ 'Bok Kei-Dei ăn kơ lu sư pơm pôm đon thoi noh, na lu sư pơjao ăn kơ sem mă kơnê̆ noh pơgơ̆r gô mơ̆ng kơ 'Bok Kei-Dei wă dang yơ.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.