Tơdrông Tơ'bôh 13:16 - Sơ̆p Hlabơar Nơ̆r 'Bok Kei-Dei

¹⁶ Păng sem ei pơgŏ đĭ-đăng măt bơngai 'lơ̆p 'lŏ, nge kră, pơm tih, pơm iĕ, mă mơdrŏng, mă dơnuh, mă rơngei, mă đĭch đe, sư pơgŏ athei chơ̆m đŏng yâu sư 'bơ̆t tơpang ti 'ma dah 'bơ̆t klĕng.

Tơdrông Tơ'bôh 13:16 Iomraidhean Croise

II Ho 15:13

Bu mă ưh kơ chă Kră Yang 'Bok Kei-Dei Isơrael gô pơlôch, mă 'lơ̆p mă jŏ, drŏ-nglo dah drŏ-kăn.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.

Horiso 49:2

Mă bơngai pơm iĕa dah bơngai pơm tih.b Đĭ bơngai mơdrŏng kư̆m thoi bơngai dơnuh hin.

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Sa 13:6

Dah đei bu apinh: ‘Đêl lu rơka kiơ tơ kơkŏng ih?’ Na sư gô tơl: ‘Rơka inh đei đêl đơ̆ng lăm hnam buăl juăt inh.’ ”

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Galati 6:17

Đơ̆ng âu tơ anăp, mă bu bu 'nĕ pă pơma khan inh ưh kơ trŏ kơ bơngai jơ̆ng 'bang Yêsu dah khan inh ưh kơ bơtho tơdrong Sư tơpă. Inh jơ̆ng 'bang Sư tơpă na inh gơh đei rơka đêl đe tôn teh inh âu.

Êphêsô 6:8

Yua kơ Yŏng bơ̆n Yêsu Krist wă apah bơngai bu mă jang 'lơ̆ng jang tơpăt, mă khan sư bơngai đĭch đe, mă bơngai rơngei.

Both 11:18

Lu iĕm, athei chih răk lăm jơhngơ̆m păng lăm kơ̆l 'ngok, dôm nơ̆r inh bơtho iĕm, 'bot sư tơ ti wă kơ iĕm 'blŏk păng pơ̆n sư tơ klĕng iĕm.

Both 6:8

Ih athei chô̆ nơ̆r âu tơ kơkŏng ih, pơ̆n pơm tơdra 'bơ̆t klĕng ih wă kơ 'blŏk.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 15:2

Inh kư̆m 'bôh tơdrong hlĭch thoi đak dơsĭ hlăng chơchơr thoi getchai thoi amĭl, mă kư̆m lăng thoi đei ŭnh mơ̆n. Na lu bơngai mă ưh kơ chu kơkuh kơ rup sem, akâu sem ei păng ưh kơ ăn sem ei chơ̆m đŏng yâu tơ klĕng sư păng kuă kơ iŏk dôm tơmam sem ei, kơsô̆ sư dah anăn sư, jei lu bơngai noh boih. Na đĭ-đăng lu bơngai noh lu sư dơ̆ng kơpal đak dơsĭ ei. Lu sư iŏk brŏ 'Bok Kei-Dei,

Tơdrông Tơ'bôh 19:18

Iĕm năm sa đak ôm atâu 'bok pơtao, 'bok tih linh, lu bơngai pran tih, lu aseh păng akâu bơngai mă hao aseh noh; sa đĭ rim khŭl bơngai rơngei, bơngai đĭch, bơngai pơm tih, pơm iĕ.”

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 19:5

Đơ̆ng noh inh kơtơ̆ng 'bơ̆r pơma lĕch đơ̆ng tang-dŏ 'Bok Kei-Dei khan: “Ơ lu đĭch đam 'Bok Kei-Dei, lu bơngai lui yom kơ Sư, lu bơngai pơm tih pơm iĕ, bĕ bơ̆n kơkuh ư-ang kơ 'Bok Kei-Dei Kră Yang bơ̆n.”

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Tơdrông Tơ'bôh 6:15

Lu bơngai ưh kơ lui tơ ala teh âu, mơ'nah pơm 'bok pơtao, mơ'nah pơm tih tơdrong nai, mơ'nah pơm tih linh, mơ'nah bơngai mơdrŏng, mơ'nah bơngai pran tih, đei mơ'nah đĭch đe, mơ'nah rơngei, đĭ lu sư hli tơrơ kơdâu ôn kơdih kơdih tơ hơgơp tơmo hơgơp teh.

Tơdrông Tơ'bôh 7:3

“Iĕm 'nĕ tam pơrăm teh, đak dơsĭ, lu 'long, gô nhôn chơ̆m đŏng yâu tôm kơ klĕng lu đĭch đam Kră Yang bơ̆n 'mơ̆i.”