Tơdrông Tơ'bôh 13:13 - Sơ̆p Hlabơar Nơ̆r 'Bok Kei-Dei

¹³ Sư gơh pơm lơ tơdrong hlĭch, sư pơm ŭnh đơ̆ng plĕnh huŏng tơ teh 'bơ̆t anăp đe kư̆m gơh mơ̆n.

Tơdrông Tơ'bôh 13:13 Iomraidhean Croise

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 8:7

Lu bơngai pơjâu tơwir kư̆m pơm lei-lăi thoi noh mơ̆n, wă pơm kơ kit tih iĕ mơmŏ tŏk jơ̆p kơ dêh Êyiptơ.

Le 9:11

Lu bơngai pơjâu yua kơ pơtôch đuh lĕch ưh kơ gơh dơ̆ng 'bơ̆t anăp Môis yua kơ lu bơngai pơjâu kư̆m đei pơtôch lei-lăi thoi đĭ-đăng bơngai Êyiptơ.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Mathiơ 16:1

Khŭl Pharisi păng khŭl Sađusê năm apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă sư wă pơlong Yêsu hăm gơh pơm dah ưh.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Markôs 13:22

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ ră.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

Tơdrông Tơ'bôh 11:5

Tơ̆ng bơngai bu wă pơrăm bre sư, bre sư tơlĕch ŭnh đơ̆ng 'bơ̆r bre sư, na ŭnh noh sa hloi bơngai mă wă pơrăm bre sư noh. Thoi noh tơ̆ng bu wă pơrăm bre sư, bơngai noh sư 'maih chă tơdrong lôch.

Tơdrông Tơ'bôh 16:14

Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.