Tơdrông Tơ'bôh 12:9 - Sơ̆p Hlabơar Nơ̆r 'Bok Kei-Dei

⁹ Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 12:9 Iomraidhean Croise

Bl 3:1

Âu, lăm lu kon sem brem mă đêl Kră Yang 'Bok Kei-Dei pơjing, 'bih boih mă adrĕch hơlĕnh kơnê̆. 'Bih sư pơma hăm bơngai drŏ-kăn khan: “Kră Yang 'Bok Kei-Dei đei khan tơtă ưh kơ ăn kơ măr iĕm sa plei 'long lăm pơgar âu dah kiơ?”

Bl 3:13

Kră Yang 'Bok Kei-Dei jet bơngai drŏ-kăn thoi âu: “Ih pơm kiơ thoi noh?” Bơngai drŏ-kăn tơl khan: “'Bih sư pơhlŭ inh na inh sa boih.”

I Ho 21:1

Yang Satan iung pơm kơ Isơrael păng pơdrŭt Đawit wă kơ jô̆ kơ̆l bơngai Isơrael.

II Ho 18:21

Yang noh tơl: “Inh gô năm pơm thoi minh 'nu yang pơma hơlĕnh lăm 'bơ̆r lu 'bok khan lê̆ adrol sư.” Kră Yang khan: “Trŏ boih, ih gơh năm pơhlŭ sư. Năm bĕ pơm thoi nơ̆r ih khan.”

Horiso 109:6

Ăn bĕ bơngai kơnê̆ pơm kơ lu sư, Ăn bơngai jâu dơ̆ng gah 'ma kơ lu sư.

Êsai 14:12

Ơ sơnglŏng wŏng-tar, kon drŏ-nglo pơgê hrôih, lơliơ mă ih đơ̆ng kơpal plĕnh ti huŏng tơ ala teh âu! Ơ lu bơngai chă pơrăm lu teh đak, liơ mă đe tơhuŏng lê̆ ih tơ ala teh âu!

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Êsêkiên 28:16

Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Mathiơ 13:39

Bơngai mă rei găr 'nhĕt noh wă khan yŏng pơgơ̆r yang kơnê̆. Bơyan 'ba noh wă khan năr tôch ning-mônh. Lu bơngai kĕch noh wă khan lu linh jang 'lơ̆ng.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 4:1

Đơ̆ng noh na Yang Bơhngol 'Lơ̆ng anhăk ba Yêsu tơ char glă kơdrô̆ Sư, wă kơ yŏng pơgơ̆r yang kơnê̆ anăn sư Satan pơlong lăng Sư.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Mathiơ 4:5

Đơ̆ng noh yang Satan anhăk ba Yêsu năm tơ Pơlei Jêrusalem mă đe anăn pơlei 'Bok Kei-Dei, na yang Satan anhăk ba Yêsu tŏk tơ kơpal bơbŭng hnam akŭm tơm.

Mathiơ 4:8

Yang Satan anhăk dơ̆ng Yêsu tŏk tơ kông kơjung tơpă, sư tơ'bôh kơ Yêsu đĭ-đăng jơ̆p-jang kơ teh đak kon pơlei pơla rŏ sor.

Luka 10:18

Na Yêsu khan kơ lu sư: “Trŏ boih, Inh 'bôh yang Satan, yŏng yang kơnê̆, huŏng đơ̆ng plĕnh hrĕnh dang kơmlat.

Luka 13:16

Na bơngai drŏ-kăn âu, sư kư̆m kon sâu Abraham thoi bơ̆n mơ̆n, mă-lei yang Satan dang kron sư ki mơjĭt-tơhngam sơnăm boih. Na Inh wă tơlĕch sư lăm năr pơdơh kư̆m trŏ tơpă.”

Luka 22:3

Kơplah noh yang Satan mơ̆t lăm jơhngơ̆m Juđa mă đe kư̆m anăn Ikariôt, bơngai minh 'nu đơ̆ng lăm mơjĭt-'bar 'nu bơngai pơhrăm păng Yêsu.

Luka 22:31

“Ơ Pêtrôs, ih mơ̆ng Inh 'biơ̆ bĕ. Yang Satan apinh 'Bok Kei-Dei wă pơlong lăng tơdrong lui lu iĕm thoi lĕ đe wă um 'ba.

Luka 8:12

Pơtih gia găr mă huŏng tơ trong noh hei wă khan lu bơngai mă mơ̆ng ră mă-lei yang kơnê̆ Satan dang lĕ iŏk nơ̆r noh đơ̆ng lu sư wă kơ lu sư ưh kơ lui kơ 'Bok Kei-Dei, na ưh kơ klaih đơ̆ng tơdrong yoch.

Yo 12:31

Dang ei 'Bă Inh wă sek tơlang tơ ala teh âu, Sư pơpuh yang Satan mă pơgơ̆r teh âu.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Yo 16:11

Sư tơbăt ăn kơ lu sư gah tơdrong 'Bok Kei-Dei wă phak tơpă lu bơngai mă ưh kơ lui kơ Sư, kơlih kơ Sư sek tơlang boih yang Satan mă pơgơ̆r tơ ala teh âu.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

II Kor 11:14

Lu bơngai noh iĕm 'nĕ lăng hlĭch tơdrong kiơ, lu sư trŏ kơ khŭl yang Satan 'mơ̆i. Yang Satan phŏ sư kư̆m pơm thoi linh jang 'lơ̆ng.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

II Kor 2:11

Na dang ei đĭ-đăng kơ bơ̆n 'nĕ pă jô̆ yo kơ bơngai mă yoch noh, hli kơ sư hiong lăm tơdrong yang Satan, yua kơ bơ̆n băt kơ yang Satan sư pơhlŭ hơgei dêh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

I Tim 2:14

Păng ưh kơ sĭ 'bok Ađam lui kơ yang Satan ôh, yă Ewơ lui kơ yang Satan pơhlŭ, na sư pơm yoch hiong tơdrong 'Bok Kei-Dei pơkă.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”

Tơdrông Tơ'bôh 12:3

Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Tơdrông Tơ'bôh 12:7

Đơ̆ng noh na đei tơdrong tơblah tơ plĕnh ti. Mikael pơm kră wei-lăng lu linh jang 'lơ̆ng, sư krao đĭ-đăng lu linh sư tơblah păng linh yă-grai păng akâu yă-grai kơdih hai.

Tơdrông Tơ'bôh 12:8

Na jei lu linh Mikael. Yă-grai păng lu linh sư thuơ boih na ưh pă gơh oei tơ plĕnh ti dơ̆ng.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 16:14

Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Tơdrông Tơ'bôh 2:24

‘Iĕm bơngai Pơlei Thiatir păng lu bôl iĕm mơ'nah kuă kơ kiơ̆ tơdrong yă Jesebel tơpă. Sư khan tơdrong sư bơtho tơdrong jrŭ, tơdrong hơgei, mă-lei iĕm kuă kơ pơhrăm iŏk hơya tŏ sĕt tơdrong noh yua kơ iĕm băt tơdrong noh tơdrong yang Satan đĕch. Bĭ mă Inh kư̆m ưh kơ đei pơthim kơ iĕm kiơ̆ tơdrong kiơ mă anat ôh.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:8

Na sư gô pơhlŭ kon bơngai jơ̆p kơ teh đak, jơ̆p kơ dêh char, lu bơngai mă đe anăn Gok păng Magok. Sư krao akŭm kon bơngai jơ̆p kơ teh đak wă năm tơblah. Lu sư lơ tơpă dang pơlao chuơh dơsĭ.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Tơdrông Tơ'bôh 9:1

Lăp linh jang 'lơ̆ng mă pơđăm hlôm keng, inh 'bôh minh pôm sơnglŏng đơ̆ng plĕnh đêl huŏng tơ teh. Đe ăn kơ sơnglŏng noh khuă wă pơih 'măng sơlŭng jrŭ.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.