Tơdrông Tơ'bôh 12:7 - Sơ̆p Hlabơar Nơ̆r 'Bok Kei-Dei

⁷ Đơ̆ng noh na đei tơdrong tơblah tơ plĕnh ti. Mikael pơm kră wei-lăng lu linh jang 'lơ̆ng, sư krao đĭ-đăng lu linh sư tơblah păng linh yă-grai păng akâu yă-grai kơdih hai.

Tơdrông Tơ'bôh 12:7 Iomraidhean Croise

Horiso 78:49

Sư tuh tơdrong hil, tơdrong hil mĭl dêh. Tơdrong hil mĭl păng pơmat-tat. Wơh minh khŭl linh jang chă pơrăm.

Êsai 34:5

Mưh đao gưm Inh huch suai bơih tơ kơpal plĕnh. Na 'nâu sư gô jur tơ Eđôm, jur tơ kon pơlei mă Inh đei sek wă pơrăm lu sư.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Da 10:13

Mă-lei pơtao dêh char Pherơsơ găn inh lăm 'bar-jĭt mônh năr; mă-lei, 'nâu, Mikael mă minh lăm lu Linh jang Tih hloh, đei truh păng tơgŭm inh boih păng inh oei tơ noh hăm lu pơtao Pherơsơ.

Da 10:21

Mă-lei inh khan kơ ih băt dôm tơdrong noh đei chih boih tơ lăm sơ̆p hla bơar tơdrong sĭt. Ưh kơ đei bu wă gơh dŏng tơgŭm inh tơblah hăm lu sư, 'nguaih kơ Mikael, yŏng lu iĕm.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 26:53

Dah Inh wă dang ei Inh gơh apinh 'Bă Inh tơjur tơpơh-jĭt rơbâu 'nu linh jang 'lơ̆ng Sư blah dŏng bơ̆n.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”

Tơdrông Tơ'bôh 12:8

Na jei lu linh Mikael. Yă-grai păng lu linh sư thuơ boih na ưh pă gơh oei tơ plĕnh ti dơ̆ng.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:7

Sư năm blah lu kon 'Bok Kei-Dei na jei sư tơpă. Na sư pơgơ̆r iŏk rim kơ adrĕch adrung kon bơngai, rim kơ dêh char, rim kơ teh đak, rim kơ nơ̆r pơma kon bơngai. Mă tơdrong noh yua kơ 'Bok Kei-Dei ưh kơ pơgăn đĕch na sư gơh.

Tơdrông Tơ'bôh 20:2

Sư rôp yă-grai 'bih so sơ̆, mă đe anăn yang sơmăt, dah yang Satan. Na sư chô̆ pơkơ̆ng lăm minh-rơbâu sơnăm,