Tơdrông Tơ'bôh 12:5 - Sơ̆p Hlabơar Nơ̆r 'Bok Kei-Dei

⁵ Lăp bơngai noh tơpŭ kon drŏ-nglo, na 'Bok Kei-Dei iŏk atŏk hloi kon nge 'noh tơ plĕnh, yua kơ kon nge 'noh ning-mônh Sư gô pơm 'Bok Pơgơ̆r tôm kơ dêh char, chĕp 'long jra mam.

Tơdrông Tơ'bôh 12:5 Iomraidhean Croise

Êsai 66:7

Adrol kơ jĭ anăp sư tơpŭ bơih; adrol kơ jĭ anăp truh, sư tơpŭ kơ minh 'nu kon drŏ-nglo bơih.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Mi 5:3

Sư gô dơ̆ng kơjăp păng gô gơnang kơ tơdrong pran kơtang đơ̆ng Kră Yang hăm tơdrong rŏ hơbŏ anăn Kră Yang 'Bok Kei-Dei Sư kơdih păng wei-lăng khŭl Sư kơdih; păng lu sư gô oei rơnŭk, yua kơ kơplah noh gô pơm tih hloh kơ đĭ-đăng bơngai tôch kơ teh.

Mathiơ 1:25

Mă-lei sư ưh kơ đei ngôi hơdai hăm Mari truh tơ năr Mari tơpŭ kơ kon nge 'noh. Na Yôsep anăn kon nge 'noh Yêsu.

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

II Kor 12:2

Bơngai noh sư kư̆m lui kơ Yêsu Krist. Lăm minh 'măng mơjĭt-puăn sơnăm hơdrol sơ̆, 'Bok Kei-Dei atŏk sư truh tơ anih 'Bok Kei-Dei tơ plĕnh ti, ưh kơ băt atŏk hăm akâu sư hloi, dah atŏk bơhngol sư đĕch; tơdrong noh inh kư̆m ưh kơ băt tơpă, 'Bok Kei-Dei đĕch băt.

II Kor 12:4

'Bok Kei-Dei atŏk sư wă kơ sư 'bôh tơdrong mă tam kơtơ̆ng, tơdrong kon bơngai ưh kơ pơ̆n pơma.

Tơdrông Tơ'bôh 11:12

Bre sư kơtơ̆ng nơ̆r pơma re tơ plĕnh khan: “Ơ bre noh, tŏk tơ âu bĕ.” Na bre sư tŏk hloi tơ plĕnh hơmơ̆l hiŏng bre sư. Dôm lu bơngai mă ayăt kơ bre sư 'bôh bre sư tŏk mơ̆n.

Tơdrông Tơ'bôh 12:13

Yă-grai ei sư ơh kơ đe blah tơhuŏng sư tơ teh boih, na sư druh sa bơngai drŏ-kăn mă tơpŭ kon nge drŏ-nglo noh hei.

Tơdrông Tơ'bôh 12:2

Sư jĭ anăp, sư nŏng kơ hmoi kơ jĭ anăp sư chang dah tơpŭ ră.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.