Tơdrông Tơ'bôh 12:3 - Sơ̆p Hlabơar Nơ̆r 'Bok Kei-Dei

³ Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Tơdrông Tơ'bôh 12:3 Iomraidhean Croise

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Da 2:41

Bê̆ gah ih đei 'bôh tơpang hơnglâu jơ̆ng minh puăt hăm bơsei minh puăt hăm teh lơ̆n, noh wă khan minh pôm char gô klaih asong; mă-lei lăm dêh char gô đei dêh char mơ'nah pran thoi bơsei, kiơ̆ thoi ih đei 'bôh bơsei hrâu hăm teh lơ̆n.

Da 2:42

Lu hơnglâu jơ̆ng minh puăt hăm bơsei minh puăt hăm lơ̆n.

Da 7:20

Inh kư̆m wă kơ băt sĭt gah mơjĭt tŏ hơke tơ kơ̆l sư păng đei pêng tŏ hơke mă tơgloh noh dơ̆ng. Hơke 'nâu đei măt lơ păng đei 'bơ̆r gơh pơma lu nơ̆r pơrŏ pơang păng hơbŏ rup sư pran kơtang hloh kơ lu hơke nai.

Da 7:24

Mơjĭt tŏ hơke wă khan mơjĭt 'nu pơtao gô iung lĕch đơ̆ng dêh char noh păng gô đei minh 'nu pơtao iung đơ̆ng rŏng, sư phara kơ lu pơtao adrol păng sư gơh blah pơchah pơrăm lê̆ pêng 'nu pơtao.

Tơdrông Tơ'bôh 12:1

Klaih kơ noh đei tơdrong tơ plĕnh ti hlĭch tơpă, đei minh 'nu bơngai drŏ-kăn hrŭk ao hơdah dang măt 'năr, tơ jơ̆ng sư đei măt khei. Tơ kơ̆l sư yơ̆l môk đei mơjĭt-'bar tŏ sơnglŏng.

Tơdrông Tơ'bôh 12:13

Yă-grai ei sư ơh kơ đe blah tơhuŏng sư tơ teh boih, na sư druh sa bơngai drŏ-kăn mă tơpŭ kon nge drŏ-nglo noh hei.

Tơdrông Tơ'bôh 12:17

Thoi noh na yă-grai ei sư ơh kơ druh sa bơngai drŏ-kăn ei ưh kơ đei, na sư năm blah lu kon sâu bơngai drŏ-kăn ei, wă khan lu bơngai lui kiơ̆ nơ̆r 'Bok Kei-Dei pơkă păng lu bơngai ră roi tơdrong Yêsu.

Tơdrông Tơ'bôh 12:4

Kiĕng sư hor ba lu sơnglŏng đơ̆ng plĕnh huŏng tơ teh minh pah lăm pêng. Klaih kơ noh na sư năm 'bơ̆t anăp bơngai drŏ-kăn mă jĭ anăp wă tơpŭ noh, sư răp gô bơngai noh tơpŭ wă luŏn sa kon nge sư.

Tơdrông Tơ'bôh 12:7

Đơ̆ng noh na đei tơdrong tơblah tơ plĕnh ti. Mikael pơm kră wei-lăng lu linh jang 'lơ̆ng, sư krao đĭ-đăng lu linh sư tơblah păng linh yă-grai păng akâu yă-grai kơdih hai.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:1

Đơ̆ng noh inh 'bôh minh pôm sem brem lĕch đơ̆ng đak dơsĭ. Sem ei đei mơjĭt tŏ ake, tơpơh tŏ kơ̆l. Sư đei mơjĭt tŏ môk pơtao tơ ake sư. Tơ rim kơ̆l sư đei chih tơdrong pơma blông kơ 'Bok Kei-Dei.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.

Tơdrông Tơ'bôh 13:4

Na kon bơngai đei mơ'nah kơkuh kơ yă-grai ei, yua kơ yă-grai ei pơjao kơ sem ei gơh pơgơ̆r. Lu sư kư̆m kơkuh kơ sem ei mơ̆n. Lu sư khan: “Hăm đei bu tih atŏ kơ sem âu, hăm đei bu kĕ blah sư? Ưh kơ đei ôh.”

Tơdrông Tơ'bôh 15:1

Đơ̆ng noh inh đei 'bôh tơdrong tơ kơpal plĕnh ti hlĭch dêh. Đei tơpơh 'nu linh jang 'lơ̆ng, lu sư wă iŏk tơpơh pơnhan đak pơgang wă pơmat lu bơngai ưh kơ lui. Tơpơh pơnhan đak pơgang noh gô đei tơpơh 'măng pơmat. Tơpơh 'măng đei tơdrong pơmat noh 'Bok Kei-Dei ăn pơmat pơhrăp kon bơngai lu mă Sư hil. Klaih kơ noh Sư huay pă hil dơ̆ng boih.

Tơdrông Tơ'bôh 16:13

Inh kư̆m 'bôh pêng 'nu yang kơnê̆ 'mê̆-'mach hơbŏ sư thoi kưt, sư lĕch đơ̆ng 'bơ̆r yă-grai, 'bơ̆r sem mă kơnê̆ păng 'bơ̆r sem mă gơh tơdrong hlĭch wă kơ kon bơngai lui kiơ̆ kơ sư.

Tơdrông Tơ'bôh 17:12

“Mơjĭt tŏ ake sư noh wă pơtih gia kơ mơjĭt 'nu pơtao đơ̆ng rŏng wă pơgơ̆r hơdai hăm sư; mă lu sư pơgơ̆r ưh kơ đunh ôh dang kơ minh jơ đĕch.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Tơdrông Tơ'bôh 17:7

Na linh jang 'lơ̆ng ei khan kơ inh: “Yua kơ kiơ ih ưh kơ hlôh? Lê̆ inh tơblang ăn kơ ih tơdrong hrĕp bơngai drŏ-kăn noh păng tơdrong sem mă đei tơpơh tŏ kơ̆l, mơjĭt tŏ ake, mă bơngai drŏ-kăn noh hao.

Tơdrông Tơ'bôh 19:12

Măt Sư thoi pla ŭnh, Sư yơ̆l môk pơtao lơlap. Păng đei chih anăn tơ akâu Sư, mă-lei ưh kơ đei bu băt kơ anăn Sư noh, pôm Sư kơdih đĕch băt.

Tơdrông Tơ'bôh 20:2

Sư rôp yă-grai 'bih so sơ̆, mă đe anăn yang sơmăt, dah yang Satan. Na sư chô̆ pơkơ̆ng lăm minh-rơbâu sơnăm,