Tơdrông Tơ'bôh 12:10 - Sơ̆p Hlabơar Nơ̆r 'Bok Kei-Dei

¹⁰ Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Tơdrông Tơ'bôh 12:10 Iomraidhean Croise

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 1:9

Satan tơl Kră Yang: “Jop hli yom kơ Kră Yang 'Bok Kei-Dei ưh kơ đei yua kiơ hă?”

Jop 2:5

Apinh Ih chro ti pơrăm truh tơ kơting sĕch Jop sĭt sư gô hiap Ih.”

Horiso 22:28

Tơdrong Kră Yang pơgơ̆r, Sư pơgơ̆r đĭ kon bơngai.

Horiso 45:6

Ơ Kră Yang 'Bok Kei-Dei, tang-dŏ pơtao Ih oei oei ling-lang. 'Long jra pơgơ̆r dêh char pơtao Ih, jing 'long jra pơgơ̆r tơpăt.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 6:10

Ăn kơ dêh char Ih tĕnh truh. Ăn kơ tơdrong tơchĕng Ih gơh jing, mă tơ teh âu kư̆m thoi tơ plĕnh ti.

Luka 11:2

Na Yêsu khan: “Iĕm krao khan thoi âu: ‘Ơ 'Bă, ăn anăn Ih jing ư-ang. Ăn kơ dêh char Ih tĕnh truh.

Luka 22:31

“Ơ Pêtrôs, ih mơ̆ng Inh 'biơ̆ bĕ. Yang Satan apinh 'Bok Kei-Dei wă pơlong lăng tơdrong lui lu iĕm thoi lĕ đe wă um 'ba.

I Kor 5:4

Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 2:26

‘Tơdrong tơblah păng yang kơnê̆ wă kơ jei, sư athei adrin ling-lang khŏm khŏm dĭng truh tơ năr Inh jur ning-mônh, Inh gô pôk sư pơm 'bok pơgơ̆r lu teh đak đe, thoi 'Bă Inh ăn kơ Inh kư̆m pơgơ̆r thoi noh.

Tơdrông Tơ'bôh 7:10

Lu sư pơma hơdai đĭ kơ minh tơpôl khan: “Ư-ang Kră Yang bơ̆n mă oei tơ tang-dŏ hăm ư-ang Kon Triu. Sư boih pơklaih bơ̆n ăn kơ bơ̆n hiôk-hian.”