Tơdrông Tơ'bôh 11:9 - Sơ̆p Hlabơar Nơ̆r 'Bok Kei-Dei

⁹ Đĭ-đăng kon tơring tơrang rim dêh, rim teh đak, rim nơ̆r pơma wang luh năm lăng bre sư lôch, kuă ăn 'bŭ bre sư truh tơ pêng năr minh puăt.

Tơdrông Tơ'bôh 11:9 Iomraidhean Croise

I Pot 13:22

Ih brŏk păng sŏng sa nhă đak tơ anih mă Kră Yang 'Bok Kei-Dei ưh kơ ăn ih sŏng sa nhă đak. Lei na mưh ih lôch, akâu ih ưh kơ gơh 'bŭ hơdai tơ bơsat lu 'bok kơdră ih ôh.

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Je 7:33

Akâu kon pơlei lôch jing tơmam sa kơ lu sem păr păng lu sem bri brah; ưh kơ đei bu puh lu sư.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.

Tơdrông Tơ'bôh 13:7

Sư năm blah lu kon 'Bok Kei-Dei na jei sư tơpă. Na sư pơgơ̆r iŏk rim kơ adrĕch adrung kon bơngai, rim kơ dêh char, rim kơ teh đak, rim kơ nơ̆r pơma kon bơngai. Mă tơdrong noh yua kơ 'Bok Kei-Dei ưh kơ pơgăn đĕch na sư gơh.

Tơdrông Tơ'bôh 17:15

Na linh jang hei khan kơ inh dơ̆ng thoi âu: “Glung đak mă ih 'bôh bơngai drŏ-kăn oei hei noh, 'noh wă pơtih gia kơ tôm kơ adrĕch adrung khŭl kon bơngai lăm teh đak mă sư pơgơ̆r.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.