Tơdrông Tơ'bôh 11:8 - Sơ̆p Hlabơar Nơ̆r 'Bok Kei-Dei

⁸ Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.

Tơdrông Tơ'bôh 11:8 Iomraidhean Croise

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 26:23

Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Êsêkiên 16:46

Mŏ ih Samari, oei hăm lu kon drŏ-kăn sư tơ gah yă-nơ̆m kơ ih; păng lu oh ih pơlei Sôđôm oei hơdai hăm lu kon drŏ-kăn sư tơ gah gơal kơ ih.

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 23:19

Mă-lei sư kư̆m rai pơm đi kơnê̆ hloh, 'blŏk kơplah sư oei adruh mơlôh pơm đi ngôi kư̆ kă lăm char Êyiptơ.

Êsêkiên 23:27

Thoi noh, Inh gô pơtôch lê̆ tơdrong ih pơm đi păng pơm pơyô kư̆ kă mă ih đei chĕp ba đơ̆ng char Êyiptơ, wă kơ ih ưh pă 'maih ngơk lăng păng ưh pă 'blŏk dơ̆ng kơ lu sư tơ char Êyiptơ.

Êsêkiên 23:3

Bre sư pơm đi lăm char Êyiptơ, bre sư pơm đi đơ̆ng oei 'lơ̆p tơ noh, toh bre sư đe chơpĕt, tơ noh tơdrong hơdruh 'lơ̆ng hơnĭl bre sư đe pơhiah lê̆.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Jang 9:4

Sư huŏng hơtat hloi đơ̆ng kơdŭ aseh. Na Sôl sư kơtơ̆ng nơ̆r pơma kơ sư khan thoi âu: “Ơ Sôl, Inh pơm kiơ kơ ih, na ih pơm kơnê̆ kơ Inh?”

Hêbrơ 13:12

Na Yêsu lôch tang kon bơngai sơ̆ kư̆m thoi noh. Sư lôch tơ jih pơlei wă pơklaih dôm tơdrong yoch kon bơngai, soi kơ 'Bok Kei-Dei hăm pham Sư kơdih.

Hêbrơ 6:6

mă sư lê̆ tơdrong lui sư, bơngai noh bơ̆n ưh kơ gơh pơlung sư wih dơ̆ng tơ 'Bok Kei-Dei ôh, kơlih kơ Sư dang pơ̆ng pơlơ̆k Kon 'Bok Kei-Dei tơ 'long pơglang, oei wă pơ'brơh kơ Sư khŏm khŏm 'bơ̆t anăp đe tơpôl lơ.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 11:9

Đĭ-đăng kon tơring tơrang rim dêh, rim teh đak, rim nơ̆r pơma wang luh năm lăng bre sư lôch, kuă ăn 'bŭ bre sư truh tơ pêng năr minh puăt.

Tơdrông Tơ'bôh 14:20

Anih đe peh plei hơmu noh tơ 'ngoaih pơlei. Pham ro đơ̆ng tơpăl tơmo noh ataih dang pêng-hrĕng kơsô̆, jrŭ pham noh lơ̆p ako aseh.

Tơdrông Tơ'bôh 14:8

Đơ̆ng noh đei linh jang 'lơ̆ng nai mă 'bar kiơ̆ đơ̆ng rŏng sư khan: “Pơlei Babilôn tih krưp tŏ noh ră, mă-lei pơchah pơchek đĭ boih, yua kơ tơdrong yoch lu sư pơm tơ'bôh kơ đe jơ̆p kơ teh đak.”

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

Tơdrông Tơ'bôh 17:1

Đơ̆ng noh minh 'nu lăm tơpơh 'nu linh jang mă chĕp tơpơh tŏ pơnhan ei, sư năm tơ inh păng khan: “Kiơ̆ inh bĕ, inh gô tơ'bôh kơ ih tơdrong 'Bok Kei-Dei phak bơngai đi pơm pơyô ngôi kư̆ kă noh, bơngai ei oei 'bơ̆t cheng đak krong hăm đak glung.

Tơdrông Tơ'bôh 17:18

Bơngai drŏ-kăn mă ih 'bôh noh, wă pơtih gia kơ minh pôm pơlei tih pơgơ̆r jơ̆p kơ teh đak, đĭ-đăng lu 'bok pơtao.”

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”

Tơdrông Tơ'bôh 18:18

Lu sư 'bôh 'nhui ŭnh sa pơlei noh na lu sư nhơ̆m hmoi ôr pơret khan: “Pă đei pơlei ayơ tih atŏ, 'lơ̆ng atŏ dang pơlei noh.”

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 18:21

Đei minh 'nu linh jang nai pran tih, sư iŏk minh pôm tơpăl tơmo tih tơhuŏng tơ đak dơsĭ păng khan: “Ơ Pơlei Babilôn, e hăm băt đe wă tơhuŏng e thoi inh tơhuŏng tơpăl tơmo tơ đak dơsĭ, đe ưh pă layơ wă 'bôh e dơ̆ng.

Tơdrông Tơ'bôh 18:24

“'Bok Kei-Dei phak pơlei noh yua kơ đei pham lu bơngai pơtruh nơ̆r Sư, pham lu kon Sư păng pham dôm lu bơngai mă đe pơlôch jơ̆p kơ teh đak ro lăm pơlei noh.”