Tơdrông Tơ'bôh 10:4 - Sơ̆p Hlabơar Nơ̆r 'Bok Kei-Dei

⁴ Inh kơtơ̆ng grơ̆m glaih tơdrăng jơwa re tơpơh 'măng thoi noh inh wă chih iŏk hloi ră, mă-lei đei nơ̆r đơ̆ng plĕnh kuă ăn inh chih iŏk, Sư khan kơ inh thoi âu: “Ih 'nĕ kơ chih iŏk tơdrong grơ̆m glaih jơwa noh, ih ôn đĕch 'nĕ roi kơ đe.”

Tơdrông Tơ'bôh 10:4 Iomraidhean Croise

Êsai 29:11

Noh jing tôm tơdrong tơ'bôh kơ iĕm 'nâu, nhen thoi nơ̆r pơma lăm sơ̆p hla bơar mă đe chĭt đơ̆p lê̆ bơih. Tơdah ăn kơ bơngai gơh đŏk na khan: “Apinh ih đŏk lăng hla bơar âu!” Na sư gô tơl tơwih: “Inh ưh kơ gơh kơ đŏk yua kơ sơ̆p hla bơar âu đe chĭt đơ̆p lê̆ bơih.”

Êsai 8:1

Kră Yang khan kơ inh: “Iŏk bĕ minh hlak gơ'bang să păng chih tơ noh hăm chư hmă kon bơngai gơh băt: Maher-Salal-Hasbas.

Êsai 8:16

Chô̆ kơjăp bĕ nơ̆r tơbăt âu păng pơklep mă kơjăp tơdrong juăt lăm lu đĭch đam Inh.

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Da 12:9

Sư tơl thoi âu: Ơ Đaniel, năm bĕ; yua kơ dôm lu nơ̆r âu đei chih lê̆ boih păng đei chơ̆m pơsĭt kơ chăl tuch-luch ei.

Da 8:26

Tơdrong tơ'bôh kơ inh gah kơsơ̆ păng gah pơgê hrôih mă đei roi tơbăt boih noh sĭt tơpă. Mă-lei ih athei wei mă hlơp tơdrong tơ'bôh noh, yua kơ sư 'bơm trŏ kơ lơ năr đơ̆ng rŏng kơnh.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Tơdrông Tơ'bôh 10:8

Klaih kơ noh inh kơtơ̆ng dơ̆ng nơ̆r mă pơma kơ inh đơ̆ng plĕnh hei, Sư pơma kơ inh thoi âu: “Ih năm iŏk hla bơar đơ̆ng ti linh jang 'lơ̆ng mă bơlang lê̆ boih mă sư dơ̆ng jơ̆ng minh pah tơ đak dơsĭ minh pah tơ kơpal teh noh.”

Tơdrông Tơ'bôh 22:10

Na linh jang 'lơ̆ng ei khan dơ̆ng kơ inh: “Dôm tơdrong 'Bok Kei-Dei tơbăt ăn kơ bơ̆n lăm sơ̆p hla bơar Sư âu, ih 'nĕ kơ ôn, ih athei roi tơbăt ăn kơ đe, yua kơ tơdrong âu wă jê̆ truh tơpă.