Tơdrông Tơ'bôh 10:10 - Sơ̆p Hlabơar Nơ̆r 'Bok Kei-Dei

¹⁰ Thoi noh na inh iŏk hla bơar iĕ noh đơ̆ng ti linh jang, na luŏn sa hloi. Lăm 'bơ̆r inh, inh mơn kơ 'ngam thoi đak sut; mưh inh luŏn hlôi boih, lăm klak inh, inh mơn kơ tăng.

Tơdrông Tơ'bôh 10:10 Iomraidhean Croise

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 119:103

Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Tơdrông Pơđơk 16:24

Nơ̆r pơma rơngơp 'ngam thoi đak sut, 'Ngam kơ bơhngol gơh klaih praih jăng kơ kơting.

Êsêkiên 2:10

Sơnôm hla bơar noh bơlang 'bơ̆t anăp inh, đei chih, lăm păng đaih, noh đei chih lu tơdrong nhơ̆m hmoi ơh sơ'ngon păng tơdrong pơmat-tat.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Êsêkiên 3:3

Na Sư khan kơ inh: “Ơ kon bơngai, iŏk sa bĕ sơnôm hla bơar Inh ăn kơ ih sa mă phĭ 'bĕnh kơ klak.” Thoi noh inh sa, 'băt 'ngam thoi đak sut lăm 'bơ̆r inh.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”

Tơdrông Tơ'bôh 10:9

Thoi noh na inh năm hloi tơ linh jang ei păng apinh sư ăn kơ inh hla bơar iĕ mă sư bơlang noh. Na sư khan kơ inh thoi âu: “Ih iŏk hla bơar âu luŏn sa hloi na ih gô mơn kơ tăng lăm klak ih, mă-lei lăm 'bơ̆r ih, ih mơn kơ 'ngam thoi đak sut.”