Tơdrông Tơ'bôh 1:9 - Sơ̆p Hlabơar Nơ̆r 'Bok Kei-Dei

⁹ Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 1:9 Iomraidhean Croise

Mathiơ 20:23

Yêsu khan dơ̆ng: “Biĕm gô iŏk tơdrong anat thoi Inh, mă-lei tơdrong pơm tih oei gah 'ma gah 'ngiĕo kơ Inh noh, ưh kơ trŏ kơ Inh ăn ôh, tơdrong noh gô mơ̆ng kơ 'Bă Inh đĕch băt.”

Markôs 10:39

Bre sư khan: “Nhi chu kĕ.” Yêsu khan dơ̆ng kơ bre sư: “Biĕm gô iŏk tơdrong anat thoi Inh wă iŏk. Biĕm gô chu lôch thoi Inh gô chu lôch mơ̆n.”

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

II Kor 1:7

Tơdrong lui kơjăp, nhôn băt kơ iĕm lui kơjăp tơpă. Yua kơ iĕm chu iŏk tơdrong pơmat-tat thoi nhôn, na 'Bok Kei-Dei kư̆m pơlung iĕm hiôk lei-lăi thoi nhôn mơ̆n.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 4:14

Mă-lei inh bơnê kơ iĕm, băt băi kơ tơgŭm inh kơplah đe pơm pơmat kơ inh âu.

II Tes 3:5

Nhôn krao khan kơ Sư apinh Sư ăn kơ iĕm đei đon 'mêm kơ 'Bok Kei-Dei păng apinh Sư ăn kơ iĕm adrin lui kơjăp lăm dôm tơdrong pơmat-tat kư̆m thoi Kră Yang Yêsu Krist adrin hơtai Sư oei tơ ala teh âu sơ̆ mơ̆n.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 1:2

Na Yôhan chih roi tơpă dôm tơdrong mă đêl sư 'bôh noh; 'nâu boih tơdrong mă 'Bok Kei-Dei ăn kơ Yêsu Krist tơ'bôh kơ sư.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Tơdrông Tơ'bôh 11:7

Lăp bre sư năm chă pơtruh kơ đe tơdrong 'Bok Kei-Dei tôm boih, na đei minh pôm sem brem kơnê̆ pơplŏng lĕch đơ̆ng sơlŭng jrŭ blah pơlôch bre sư, lôch hloi.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 12:17

Thoi noh na yă-grai ei sư ơh kơ druh sa bơngai drŏ-kăn ei ưh kơ đei, na sư năm blah lu kon sâu bơngai drŏ-kăn ei, wă khan lu bơngai lui kiơ̆ nơ̆r 'Bok Kei-Dei pơkă păng lu bơngai ră roi tơdrong Yêsu.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

Tơdrông Tơ'bôh 14:12

Yua kơ thoi noh boih na lu bơ̆n bơngai lui kơ Yêsu păng kiơ̆ tơdrong 'Bok Kei-Dei pơkă, bơ̆n athei adrin lui khŏm khŏm 'nĕ kơ achăng lê̆ Sư, mă đe pơmat bơ̆n dang yơ.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.