Tơdrông Tơ'bôh 1:7 - Sơ̆p Hlabơar Nơ̆r 'Bok Kei-Dei

⁷ Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 1:7 Iomraidhean Croise

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Horiso 22:16

Yua kơ lu kŏ tăp dăr kơ inh, Minh khŭl bơngai kơnê̆ wang tăp kơ inh boih; Lu sư 'bet klĕch ti păng jơ̆ng inh boih.

Horiso 68:1

Ơ Kră Yang 'Bok Kei-Dei iung bĕ, pơm ăn kơ lu ayăt kơ Ih tơklah tơklang. Ăn kơ lu bơngai hil areh kơ Sư kơdâu ôn đơ̆ng anăp Sư.

Horiso 97:2

Hơmơ̆l păng măng mu gom tăp dăr kơ Sư; Tơdrong tơpăt tơdrong hơnơ̆ng pơm hơnă tang-dŏ pơtao Sư.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Sa 12:11

Lăm năr noh, gô đei tơdrong nhơ̆m hmoi tih dêh tơ pơlei Jêrusalem, kư̆m thoi đe nhơ̆m hmoi tih dêh sơ̆ tơ dêh Hadat Rimmôn oei tơ lăm tơmăn glă Mêgiđô,

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Markôs 13:26

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Luka 21:27

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Yo 19:34

Mă-lei minh 'nu linh iŏk tơju 'bet rơhiĕo Yêsu, na pham păng đak lĕch đơ̆ng rơka Sư.

Yo 19:37

Sơ̆p hla bơar 'Bok Kei-Dei kư̆m đei khan thoi âu dơ̆ng: “Lu sư gô lăng Bơngai mă đêl lu sư 'bet.”

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tes 4:17

Klaih kơ noh na 'Bok Kei-Dei atŏk dôm lu bơngai mă lui kơ Sư mă oei arih păng dôm lu bơngai 'nao iung đơ̆ng lôch, tŏk hơdai lăm hơmơ̆l truh tơ rơwơ̆ng ti na tơ'bơ̆p hloi Kră Yang Yêsu tơ ei, oei hơdai păng Sư ling-lang ling-lang ưh kơ đei layơ tôch.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 6:6

mă sư lê̆ tơdrong lui sư, bơngai noh bơ̆n ưh kơ gơh pơlung sư wih dơ̆ng tơ 'Bok Kei-Dei ôh, kơlih kơ Sư dang pơ̆ng pơlơ̆k Kon 'Bok Kei-Dei tơ 'long pơglang, oei wă pơ'brơh kơ Sư khŏm khŏm 'bơ̆t anăp đe tơpôl lơ.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.

Tơdrông Tơ'bôh 22:4

Lu sư gô 'bôh muh măt 'Bok Kei-Dei păng đei chơ̆m đŏng yâu 'Bok Kei-Dei tơ klĕng lu sư.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.