Tơdrông Tơ'bôh 1:2 - Sơ̆p Hlabơar Nơ̆r 'Bok Kei-Dei

² Na Yôhan chih roi tơpă dôm tơdrong mă đêl sư 'bôh noh; 'nâu boih tơdrong mă 'Bok Kei-Dei ăn kơ Yêsu Krist tơ'bôh kơ sư.

Tơdrông Tơ'bôh 1:2 Iomraidhean Croise

Yo 1:32

Yôhan roi kơ đe thoi âu: “Inh 'bôh Yang Bơhngol 'Lơ̆ng jur đơ̆ng plĕnh thoi sem kơtơp jruh kơpal Sư.

Yo 12:17

Lu bơngai mă oei hơdai păng Yêsu ki, lu sư 'bôh Yêsu tơiung arih Lasarơ đơ̆ng bơsat, na lu sư kư̆m ư-ang roi tơdrong noh kơ bôl buăl nai mơ̆n.

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Jang 22:15

Sư rơih ih wă kơ ih ră roi kơ đĭ-đăng bơngai gah tơdrong ih 'bôh Yêsu boih, hăm tơdrong ih kơtơ̆ng nơ̆r Sư pơma.

Jang 26:16

Ih iung wăi. Inh năm tơ ih wă kơ ih jang tơdrong Inh. Ih athei roi kơ đe tơdrong ih 'bôh Inh năr âu boih. Ih gô 'bôh Inh dơ̆ng hăm kư̆m roi tơdrong ih 'bôh Inh hăm dôm tơdrong Inh tơbăt ăn kơ ih.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

I Kor 1:6

Tôm tơdrong bơtho gah tơdrong Yêsu Krist, iĕm băt kơ trŏ tơpă na iĕm oei lui kơjăp truh dang ei.

I Kor 2:1

Ơ 'nhŏng oh, kơplah inh năm bơtho iĕm tơdrong 'Bok Kei-Dei sơ̆ inh ưh kơ đei bơtho kiơ̆ kơ 'bơ̆r đon inh hơgei ôh.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

III Yo 1:12

Gah 'bok Đêmêtrơs, đĭ-đăng bơngai băt kơ sư 'lơ̆ng tơpăt. Sư pơm tôm tơdrong 'lơ̆ng tơpăt na bơ̆n băt sư kiơ̆ tơdrong 'Bok Kei-Dei tơpă. Mă nhôn kư̆m khan sư bơngai 'lơ̆ng tơpăt mơ̆n; păng ih kư̆m băt nhôn pơma tơpăt ling-lang.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 12:17

Thoi noh na yă-grai ei sư ơh kơ druh sa bơngai drŏ-kăn ei ưh kơ đei, na sư năm blah lu kon sâu bơngai drŏ-kăn ei, wă khan lu bơngai lui kiơ̆ nơ̆r 'Bok Kei-Dei pơkă păng lu bơngai ră roi tơdrong Yêsu.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Tơdrông Tơ'bôh 22:21

Inh apinh Kră Yang Yêsu wei-lăng đĭ-đăng kơ lu kon 'Bok Kei-Dei lăm tôm tơdrong. A-men.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.