Tơdrông Tơ'bôh 1:19 - Sơ̆p Hlabơar Nơ̆r 'Bok Kei-Dei

¹⁹ Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Tơdrông Tơ'bôh 1:19 Iomraidhean Croise

Habakuk 2:2

Kră Yang tơl păng khan kơ inh thoi âu: “Ih athei chih dôm tơdrong ih đei 'bôh păng chih mă nhen rơđah tơ gơ'bang, wă kơ lu bơngai oei kơdâu gơh đŏk.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:12

Na inh hue lăng tơ rŏng wă kơ băt bu pơma kơ inh noh hei. Lăp inh hue lăng inh 'bôh tơpơh tŏ jơ̆ng kơđeng maih.

Tơdrông Tơ'bôh 10:4

Inh kơtơ̆ng grơ̆m glaih tơdrăng jơwa re tơpơh 'măng thoi noh inh wă chih iŏk hloi ră, mă-lei đei nơ̆r đơ̆ng plĕnh kuă ăn inh chih iŏk, Sư khan kơ inh thoi âu: “Ih 'nĕ kơ chih iŏk tơdrong grơ̆m glaih jơwa noh, ih ôn đĕch 'nĕ roi kơ đe.”

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”