Tơdrông Tơ'bôh 1:16 - Sơ̆p Hlabơar Nơ̆r 'Bok Kei-Dei

¹⁶ Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 1:16 Iomraidhean Croise

Jop 38:7

Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Hơri Hiôk 6:10

“Bơngai adruh âu bu kih? Lăng 'brưch dang 'năr wă lĕch, 'lơ̆ng guăng thoi khei rang, hơdah thoi măt 'năr. Ih gơh pơm kơ đe hiưp kơ măt thoi 'bôh linh yơ̆r hla-kơ!”

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 49:2

Kră Yang pơm kơ 'bơ̆r inh thoi lĕ kơ đao han; klơ̆p ôn inh hăm yơ̆p kơkŏng ti sư pơm kơ inh thoi 'brơ̆m hră suĕng. Păng ôn lê̆ inh lăm jŏ 'brơ̆m hră Sư.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Da 8:10

Sư rai tih kơjung truh tơ khŭl linh tơ plĕnh; sư tơhuŏng linh tơ teh mơ'nah khŭl linh đơ̆ng sơnglŏng đơ̆ng noh sư pơjuă lê̆.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Jang 26:13

Ơ 'bok pơtao, hơtai ei lăp truh 'năr dơ̆ng, inh oei năm rok trong inh 'bôh hloi ŭnh pơchrang hơdah đơ̆ng plĕnh, pơchrang tăp dăr kơ inh hăm lu bơngai năm hơdai hăm inh. Ŭnh ei mơnhal hloh kơ măt 'năr.

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 12:1

Klaih kơ noh đei tơdrong tơ plĕnh ti hlĭch tơpă, đei minh 'nu bơngai drŏ-kăn hrŭk ao hơdah dang măt 'năr, tơ jơ̆ng sư đei măt khei. Tơ kơ̆l sư yơ̆l môk đei mơjĭt-'bar tŏ sơnglŏng.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

Tơdrông Tơ'bôh 2:12

“Dang ei dơ̆ng ih chih kơ kră wei-lăng hnam akŭm tơ Pơlei Pêgam thoi âu: 'Bok mă đei minh hlak đao han đei 'bar pah măt noh Sư wă pơma kơ iĕm thoi âu:

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 3:1

“Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.

Lu 3:16

Êhut pơm kơdih sư minh hlak đao gưm 'bar pah măt, kơjung minh (hơgăt) păng tơ̆n đao gưm tơ kơiĕng gah 'ma, tah tơ lăm kơ ao sư.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.