Tơdrông Tơ'bôh 1:15 - Sơ̆p Hlabơar Nơ̆r 'Bok Kei-Dei

¹⁵ Jơ̆ng Sư hơdah 'brŭng dreng thoi mam ngơr đe 'buh tơ ŭnh, 'bơ̆r Sư pơma mơ̆ng thoi jơwa đak chơkơi.

Tơdrông Tơ'bôh 1:15 Iomraidhean Croise

Horiso 93:4

Kră Yang oei pơgơ̆r tơ kơpal đei tơdrong mơsêh. Mơsêh hloh kơ jơwa đak dơsĭ. Mơsêh hloh kơ lu jơwa đak dơsĭ poh-yă.

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsêkiên 1:24

Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 1:7

Jơ̆ng lu sư tơpăt, tơpang jơ̆ng thoi kơchôp kon rơmo, hơdah 'brŭng thoi kong rang rơgoh.

Êsêkiên 40:3

Kră Yang chông ba inh năm tơ noh, inh 'bôh rup minh 'nu bơngai thoi kơthao kong. Bơngai noh chĕp minh dăng tơlei păng 'long pơtŏ dơ̆ng 'bơ̆t 'măng jang.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Da 10:6

Akâu sư thoi jơmŏng; muh măt sư kư̆m thoi kơmlat păng măt sư thoi pla ŭnh; jơ̆ng, ti sư rang thoi mam kong păng nơ̆r pơma sư thoi nơ̆r tơpôl bơngai lơ.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 14:2

Inh đei kơtơ̆ng dơ̆ng 'bơ̆r pơma jơwa đơ̆ng plĕnh thoi lĕ kơ jơwa đak chơkơi păng thoi jơwa grơ̆m glaih, jơwa noh thoi jơwa bơngai tơpôl reh brŏ kư̆m đei.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu: