Tơdrông Pơđơk 3:3 - Sơ̆p Hlabơar Nơ̆r 'Bok Kei-Dei

³ 'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Tơdrông Pơđơk 3:3 Iomraidhean Croise

II Sam 15:20

Ih oei hăm inh 'nao năr brei, na năr 'nâu ih wă kiơ̆ chă jăk ah. 'Nhŏ kơdih inh kư̆m ưh kơ băt wă năm tơ yơ? Lei ih jah wih bĕ păng chông lu 'nhŏng oh ih. Apinh tơdrong 'mêm mơnat păng tơdrong 'lơ̆ng tơpăt Kră Yang oei hơdai hăm ih!”

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 25:10

Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Tơdrông Pơđơk 1:9

Noh boih thoi hơgăl pơkao 'lơ̆ng kơpal kơ̆l ih, thoi rơbưn glang 'băk tơ hơko ih.

Tơdrông Pơđơk 14:22

Hăm trŏ kơ lu bơngai wă chă đon pơm kơnê̆ noh gô wơ̆l jrok? Mă-lei đei bơngai pơđâu wă pơm 'lơ̆ng, đe gô mơnat păng jô̆ tơpăt.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 20:28

Tơdrong 'mêm păng tơnăp tơpă mă gơh wei pơtao, Đơ̆ng 'mêm mơnat pơkơ̆ng kơjăp tang-dŏ pơtao sư.

Tơdrông Pơđơk 6:21

Wei răk lăm jơhngơ̆m ih ling-lang, 'Băk sư tơ hơko ih.

Tơdrông Pơđơk 7:3

Chô̆ sư tơ hơnglâu ti ih, chih sư tơ lăm jơhngơ̆m ih.

Je 17:1

Tơdrong yoch bơngai Juđa đe chih răk boih hăm 'long chih bơsei, chhơ̆ hăm pla tơmo jơmŏng, tơ gơ'bang lăm jơhngơ̆m lu sư, Păng chih tơ kơpal hơke tơ mum chơnang soi lu sư.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Malachi 2:6

Tơdrong khôi juăt tơdrong tơpăt oei boih tơ lăm 'bơ̆r lu sư bơtho, lăm hơkŭng lu sư ưh pă đei tơdrong kơnê̆ boih; lu sư yak hơdai hăm Inh lăm tơdrong hiôk-hian păng tơpăt, pơm ăn kơ lơ bơngai weh achăng đơ̆ng tơdrong kơnê̆.

Mathiơ 23:23

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơm hăt hot tĕch lu tơmam hơi thoi lĕ kơ hla lŭng-hŭng, hla gơsơ̆m, hla ĕch, hla hla-kat, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei dôm tơdrong juăt 'Bok Kei-Dei mă kăl hloh thoi lĕ kơ pơm 'lơ̆ng kơ đe, athei 'mêm kơ 'Bok Kei-Dei hăm bôl buăl, tơdrong lui kơ 'Bok Kei-Dei, dôm tơdrong noh iĕm pơhơi ưh kơ wă pơm. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei ưh kơ dang bơ̆n kiơ̆ tơdrong juăt noh hei.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

Both 6:8

Ih athei chô̆ nơ̆r âu tơ kơkŏng ih, pơ̆n pơm tơdra 'bơ̆t klĕng ih wă kơ 'blŏk.

Hêbrơ 10:16

“Ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm jơhngơ̆m lu sư, Inh wă chih tơ'băk tơdrong juăt Inh tơ lăm đon tơchĕng lu sư. Tơdrong noh boih Kră Yang khan.”