Tơdrông Pơđơk 23:3 - Sơ̆p Hlabơar Nơ̆r 'Bok Kei-Dei

³ 'Nĕ ham sa tơmam 'lơ̆ng sư Yua kơ tơmam sŏng sa 'noh.

Tơdrông Pơđơk 23:3 Iomraidhean Croise

Horiso 141:4

Apinh 'nĕ ăn kơ jơhngơ̆m inh wă kơ tơdrong kơnê̆. Păng pơm tơdrong kơnê̆ hơdai hăm lu bơngai kơnê̆. 'Nĕ ăn kơ inh et sa tơmam 'lơ̆ng đơ̆ng lu sư.

Tơdrông Pơđơk 23:6

'Nĕ sa tơmam lu bơngai kret tơsen; 'Nĕ kơ ham sa tơmam 'băt 'lơ̆ng đơ̆ng sư.

Da 1:5

Pơtao khan wă ăn kơ lu bơngai noh sŏng sa rim năr tơmam sŏng sa 'băt 'lơ̆ng mă pơtao sa păng tơdrô mă đơ̆ng pơtao huch, wă rong păng bơtho lu sư thoi noh lăm pêng sơnăm, na lu sư gô awih awăn 'bơ̆t anăp pơtao.

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.