Tơdrông Pơđơk 2:6 - Sơ̆p Hlabơar Nơ̆r 'Bok Kei-Dei

⁶ Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Tơdrông Pơđơk 2:6 Iomraidhean Croise

I Pot 10:24

Đĭ-đăng kon bơngai lăm teh đak 'nâu chă wă 'maih tơ'bơ̆p Sôlômôn, wă mơ̆ng tơdrong gơh hơgei đơ̆ng Kră Yang 'Bok Kei-Dei ăn kơ sư.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

I Pot 4:29

'Bok Kei-Dei ăn kơ Sôlômôn hlôh băt tih dêh hăm đon hlôh wao dêh pă kĕ jô̆ nhen thoi chuơh cheng đak dơsĭ.

I Ho 22:12

Apinh Kră Yang ăn kơ ih tơdrong gơh hơgei hlôh wao wă kơ ih pơgơ̆r wei-lăng lu bơngai Isơrael wă kơ ih răk kiơ̆ tơdrong juăt Kră Yang 'Bok Kei-Dei ih.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Ne 7:5

Kră Yang 'Bok Kei-Dei pơtrŭt jơhngơ̆m krao pơpôi dôm lu bơngai mơdrŏng, lu pơm kuan păng kon pơlei wă chih tơmơ̆t lăm sơ̆p hla bơar kiơ̆ kơ adrĕch, inh đei chă 'bôh minh sơ̆p hla bơar chih gah adrĕch lu bơngai Juđa brŏk mă tăl blŭng-a păng lăm noh inh 'bôh đei chih thoi âu:

Jop 12:13

Kră Yang 'Bok Kei-Dei gơh hơgei păng Mơsêh Mơyang gơh băt păng hlôh wao.

Jop 12:16

Tơdrong pran kơtang păng hơgei lăm Sư. Lăm Sư ngăl lu bơngai wơ̆l jrok păng lu bơngai mă pơm kơ đe wơ̆l jrok,

Jop 22:22

Athei sơng iŏk bĕ nơ̆r đơ̆ng 'bơ̆r Kră Yang bơtho, păng athei wei răk nơ̆r Sư lăm jơhngơ̆m ih.

Jop 32:8

Mă-lei đei Yang bơhngol 'lơ̆ng oei lăm kon bơngai, Păng hơyuh kial dui jơhngơ̆m Kră Yang Tih Hloh ăn kơ sư tơdrong hlôh gơh hơgei.

Horiso 119:104

Đơ̆ng nơ̆r Ih bơtho khan na inh hlôh wao, thoi noh na inh areh kơ trong hơlĕnh.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Horiso 119:98

Dôm nơ̆r Ih tơtă, pơm kơ inh hơgei hloh kơ lu ayăt kơ inh. Yua kơ dôm nơ̆r noh oei hơdai inh ling-lang.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Horiso 94:10

Kră Yang mă phak lu dêh char boih wă ưh kơ chrih hă? Sư boih Kră Yang bơtho ăn tơdrong hơgei kơ kon bơngai.

Le 31:3

Inh ăn bơih kơ sư 'bĕnh kơ Yang Bơhngol 'Lơ̆ng 'Bok Kei-Dei, hăm tơdrong hơgei, hlôh wao băt đei đon tơchĕng, wă kơ jang tanh sĭt, hling maih.

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Yo 6:45

Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.